Humbja e dhëmbëve është një faktor risku për demencën dhe sëmundjen e Alzhaimerit. Rezultatet e një studimi japonez

Sa më i madh të jetë numri i dhëmbëve që mungojnë tek një adult aq më i madh është dhe risku për t'u sëmurur nga këto patologji.
Për të dëshmuar këtë është një studim perspektiv prej 5 vitesh në 1 500 të moshuar, drejtuar nga Kenji Takeuchi, DDS, PhD i Kyushu University në Japoni, publikuar në "Journal of the American Geriatrics Society" më 8 mars 2017.

Janë 50 milion personat e prekur nga demenca në Planet dhe Organizata Botërore e Shëndetit llogarit se do të trefishohen brenda vitit 2050.
Shumë janë hipotezat por shkaqet e sëmundjes nuk janë akoma saktësisht të njohura.
Në valën e punëve të mëparshme autorët e studimit kanë dashur të hetojnë lidhjen midis humbjes së dhëmbëve dhe demencës.

Studimi ka filluar në 2007 në distriktin Japonez të Fukouka, ku janë rekrutuar 1 500 qytetarë mbi 60 vjeç, të cilëve i është regjistruar numri i elementeve dentare të mbetura.
Individët janë ndjekur në kohë nga sistemi shëndetësor lokal dhe në rreth 350 nga individët janë shfaqur simptoma neurologjike të demencës, sëmundjes së Alzhaimerit apo demencës vaskulare. Individët me më pak dhëmbë ishin në mënyrë domethënëse më të prirur për këto tre patologji të rënda neurologjike.

4 janë arsyet e mundshme sipas Takeuchit për të shpjeguar shtimin e riskut të demencës:

1) përtypja e reduktuar dhe okluzioni i ndryshuar reduktojnë fluksin hematik cerebral
2) vështirësia përtypëse varfëron dietën
3) gjendja e inflamacionit kronik që shkakton humbjen e dhëmbëve mund të çojë në demencë
4) shëndeti i dobët oral është pasqyra e një shëndeti të dobët sistemik që mund të favorizojë sëmundjen

Rezultatet vënë në dukje rëndësinë e promovimit të shëndetit dhe mirëmbajtjen e shëndetit oral që në moshë të vogël për të shmangur këtë sëmundje të rëndë.

Davis Cussotto

Për më tepër:
Tooth Loss and Risk of Dementia in the Community: the Hisayama Study

Përktheu: Erjola Taga