Dezinfektuesit ndryshojnë ngjyrën e protezave të lëvizshme?

Solucionet dezinfektuese mund të rekomandohen për dezinfektimin e protezave të lëvizshme, për parandalimin e stomatitit nga protezat dhe për infeksionet orale rekurente te...

Solucionet dezinfektuese mund të rekomandohen për dezinfektimin e protezave të lëvizshme, për parandalimin e stomatitit nga protezat dhe për infeksionet orale rekurente te pacientët.

Solucionet dezinfektuese për ruajtje e protezave të lëvizshme gjatë natës përfshijnë tretësirën shkumëzuese me peroksid alkalin (agjent kimik efektiv në reduktimin e pllakës bakteriale), klorheksidinë me përqendrim 2% (e cila siguron dezinfektim të plotë dhe afatgjatë për protezat e kolonizuara nga Staphyloccus rezistent ndaj meticilinës), hipoklorit natriumi me përqendrim 0.5% (veçanërisht efektiv në reduktimin e Candidas).

Pavarësisht avantazheve që ofron përdorimi i solucioneve dezinfektuese në reduktimin, apo parandalimin e kolonizimit bakterial të protezave, veçoritë fizike dhe mekanike të rezinës akrilike mund të ndryshojnë me zhytjen e protezave në këta agjentë kimikë.

Zhytja në solucione dezinfektuese mund të ndryshojë ngjitjen e dhëmbëve artificialë me bazën e protezave, ashpërsinë, fortësinë dhe rezistencën e rezinave akrilike të protezave.

Për më tepër, zhytja e përditshme e protezave në solucione dezinfektuese mund të shkaktojë çlirim të substancave toksike në rezinën akrilike, duke shfaqur një potencial citotoksik pas 6 muajsh.

Qëndrueshmëria e ngjyrës së protezave të lëvizshme është gjithashtu një veçori e rëndësishme për pacientët me proteza të lëvizshme dhe pas përdorimit të zgjatur të këtyre solucioneve dezinfektuese, ndryshimet e ngjyrës mund të jenë të dukshme nga ana vizuale.

Tipologjia e kërkimit dhe metoda e analizës
Në një studim të publikuar në Journal of Prosthodontics, autorët kanë vlerësuar efektin që ka zhytja e zgjatur në kohë në solucione dezinfektuese mbi ngjyrën, qëndrueshmërinë e rezinave të protezave dhe të dhëmbëve artificialë.

Në këtë studim u analizuan dy grupe. Të gjithë disqet u zhytën në solucionet e mëposhtme dezinfektuese: 2% klorheksidin diglukonat në përqendrim 2% , hipoklorit natriumi në përqendrim 0,25% dhe në ujë të distiluar.

Matjet e ngjyrës u kryen me anë të një spektrofotometri përpara zhytjes në dezinfektues dhe pas 6 dhe 12 muajsh.

Rezultatet
Koha 6-mujore e zhytjes ndikoi në ndryshimin e ngjyrës së rezinës së protezës, pavarësisht nga lloji i solucionit dezinfektues. Sa u përket rezinave të dhëmbëve artificialë, koha e zhytjes prej 12 muajsh tregoi një ndryshim të dukshëm të ngjyrës në krahasim me periudhën 6-mujore.

Përfundimet
Nga të dhënat e këtij studimi, mund të konstatohet se për rezinat e protezave, koha e zhytjes e ndryshon ndjeshëm ngjyrën, pavarësisht nga solucioni i përdorur.