Mjekësia estetike. Toksina botulinike, e sigurt

Toksina botulinike është e sigurt për përdorim, sipas studimeve dhe aktivitetit të përditshëm të shumë profesionistëve. Kritikuesit e këtyre ndërhyrjeve...

Toksina botulinike është e sigurt për përdorim, sipas studimeve dhe aktivitetit të përditshëm të shumë profesionistëve. Kritikuesit e këtyre ndërhyrjeve bazohen në studime të vjetra dhe gënjehen nga numrat. Në 16 vitet e fundit, problemet e shfaqura pas injektimeve botulinike u konstatuan te 138 individë, në krahasim me miliona injektime.

"Ata të cilët kundërshtojnë përdorimin e toksinës botulinike në estetikë, nisen shpesh nga puna e biologut të ndjerë Matteo Caleo rreth injektimeve të minjve në laborator, i cili është tashmë i vjetruar dhe nuk ka asnjë lidhje me ndërhyrjet mjekësore te njerëzit. Studimi i Caleo u referohej injeksioneve në zonat e fytyrës së minjve në lidhje të drejtpërdrejtë me trurin, gjë që nuk vlen për njerëzit, te të cilët injeksionet kryhen në zona muskulore", thotë Maurizio Benci, Shoqata Italiane e Terapisë Estetike me Botulinium (AITEB).

"Nga jashtë vendit vijnë studime, sipas të cilave kanë rezultuar vetëm 18 raportime për dëmtime nga efektet anësore të botulinumit në 27 vjet, nga viti 1985 në vitin 2012. Përdorimi i toksinës botulinum tani ka përparuar tej mase, e cila nuk përdoret vetëm për qëllime estetike, por edhe për patologji neurologjike, si pareza spastike ose strabizmi, duke demonstruar kështu sigurinë e saj në përdorim", përfundon Benci.