Ndikimet e pandemisë Covid-19 në kancerin oral

Gjatë pandemisë Covid-19 dhe pas saj, janë shtuar në mënyrë eksponenciale konsultat mjekësore nga distanca dhe është reduktuar qasja ndaj shërbimit shëndetësor kombëtar publik për depistimin e kancerit oral. Kjo ka...

Gjatë pandemisë Covid-19 dhe pas saj, janë shtuar në mënyrë eksponenciale konsultat mjekësore nga distanca dhe është reduktuar qasja ndaj shërbimit shëndetësor kombëtar publik për depistimin e kancerit oral. Kjo ka ndodhur pasi njerëzit, në përgjithësi, ngurronin të përdornin shërbimet shëndetësore fizikisht për shkak të frikës nga kontakti me virusin.

Tipologjia e kërkimit dhe metoda e analizës
Në një studim të publikuar në British Dental Journal në shkurt 2024, autorët vlerësuan nëse pandemia Covid-19 kishte ndikuar negativisht në stadifikimin e kancerit oral.

Të dhënat u grumbulluan nëpërmjet bazës së të dhënave të tumoreve të kokës dhe qafës në një spital universitar në Londër. Numri i diagnozave dhe shkalla e stadifikimit të kancerit oral në periudhën e kulmit të pandemisë (mars 2020-2021) u vlerësuan dhe u krahasuan me ato të vitit paraardhës (mars 2019-2020).

Rezultatet
Gjithsej, u diagnostikuan 25 raste me kancer oral në grupin para pandemisë (PC19) dhe 26 në grupin post pandemisë (C19).

TNM gjithëpërfshirëse (tumor, limfnodus, metastazë) në nivelin e 4-t dhe të tjera në grupin post pandemisë u vlerësuan në 68%, krahasuar me 48% të vitit paraardhës. Përfshirja e nyjeve limfatike u konstatua në 32% (n=8) të rasteve në grupin PC19 dhe në 50% (n=13) në grupin C19.

Nuk kishte raste të kancerit oral që shkaktonin metastaza në grupin PC19, ndërsa në grupin C19 8% (n=2) e diagnozave rezultonin me metastaza.

Në një test-t i çiftuar me një interval besimi 95% (p<0.05) u demonstrua një ndryshim minimal, jo domethënës (p=0.477) ndërmjet stadifikimit të përfshirjes së nyjeve limfatike.

Trajtimi me kirurgji, kimioterapi, radioterapi ose me një kombinim të tyre u përdor në 76% (n=16) të rasteve në grupin PC19 dhe në 60% (n = 15) të rasteve në grupin C19.

Përfundimet
Nga të dhënat e këtij studimi, rezulton se ka ndryshime margjinale jo të dukshme nga ana statistikore të përkeqësimit të stadeve të kancerit oral një vit pas pandemisë Covid-19.

Ndërlikimet klinike
Studimet afatgjata mbi diagnostikimet e kancerit oral gjatë pandemisë, në nivele rajonale dhe kombëtare, do të lehtësojnë një analizë më të detajuar të ndikimit që Covid-19 ka pasur në këtë fushë.