Higjiena dhe kujdesi për implantet: intervistë me Luca Landi, president i Shoqatës Italiane të Periodontologjisë dhe Implantologjisë

Shëndeti i gojës sonë është i rëndësishëm, higjiena e duhur orale dhe mënyra adekuate e jetesës na ndihmojnë të parandalojmë sëmundjet inflamatore që mund të kenë pasoja të rënda siç është rasti i periodontitit.

Një arsye më shumë për të pasur një gojë të shëndetshme është vendosja e implanteve që mund të zëvendësojnë far mirë dhëmbët natyralë të humbur për arsye të ndryshme. Ato janë rrënjë artificiale që zakonisht përbëhen nga titani i futur brenda kockës në të cilën më pas janë ankorohen kurorat e dhëmbëve.

Implantet: rëndësia e diagnozës

Jo tek të gjithë pacientët mund të vendosen implante, shpjegon Landi, diagnoza është shumë e rëndësishme. Është e nevojshme të kuptohet nëse ka sëmundje inflamatore të zgavrës së gojës të tilla si për shembull periodontiti. Nëse ka sëmundje të mëdha të pa kompensuara siç është diabeti që përfaqëson një faktor rreziku për dështimin e mundshëm të operacionit ose implantit në planin afatgjatë. Një kundërindikacion tjetër është duhanpirja, e cila shkakton ndryshime metabolike dhe biokimike gjithashtu zvogëlon lehtësinë e shërimit të plagës dhe me kalimin e kohës mund të shkaktojë dëme.

Implantet: pse mund të dëmtohen

Ekzistojnë dy shkaqe kryesore që mund të shkaktojnë dëme në implant: i pari biologjik dhe i dyti mekanik. Dëmtimi biologjik lidhet me një inflamacion që ndodh rreth implantit dhe që quhet peri-implantit një sëmundje që i ngjan shumë asaj që quhet paradontit. Shkaktohet nga bakteret të cilat, duke u grumbulluar rreth implantit, inflamojnë mishin e dhëmbëve. Nëse inflamacioni nuk kundërvihet, ai përcakton një humbje kockore progresive rreth implantit me dhimbje pasuese, abscese të mundshme deri në humbjen e implantit. Nga ana tjetër, dëmtimi mekanik mund të jetë për shkak të një funksioni të ndryshuar të përtypjes. Pacientët me bruksizëm që mbingarkojnë dhëmbin ose mbingarkesa okluzale për shkak të përtypjes së gabuar janë faktorë që mund të çojnë në humbjen e implantit.

Implantet: kujdesi ditor

Stili i jetës dhe higjiena e gojës janë shumë të rëndësishme në përcaktimin e suksesit dhe kohëzgjatjes së implantit. Është e nevojshme të shmanget formimi i pllakave që mund të shkaktojnë infeksion dhe përkeqësim të implantit për këtë përveç pastrimit të rregullt të dhëmbëve pas çdo vakt, është e nevojshme të përdoret një furçë interdentale dhe një fill dhëmbësh tip spongy që ndihmon për të hequr më mirë pllakat.