Kjo është buzëqeshja perfekte. Në SHBA kanë kërkuar karakteristikat e asaj që tërheq më shumë

Buzëqeshja vlen më shumë se 1000 fjalë dhe pasqyra e emocioneve orienton komunikimin jo verbal dhe përcakton suksesin në ndërveprimin social.
Ky është shkurtimisht rezultati në të cilin ka arritur një grup kërkuesish të Universitetit të Minnesota (USA) drejtuar nga Nathaniel Helwig (publikuar së fundmi në revistën PLOS One).
Duke përfituar nga një program në gjendje që të ndërtojë fytyrat në 3D në ekranin e një kompjuteri, kërkuesit i kanë kërkuar 802 personave që të gjykojnë efikasitetin, gjenialitetin, kënaqësinë dhe llojin e emocioneve të ngjalluar nga 27 buzëqeshje të ndryshme.

Ndër variablat e marra në shqyrtim janë:
1) Këndi i gojës
2) Gjerësia e buzëqeshjes
3) Përqindja e ekspozimit të harkatave dentare

Ja çfarë zbulohet nga intervista:
A) Kanë më të mirën, buzëqeshjet më diskrete me një farë simetrie
B) Mbajta e gojës hapur duke lënë në dukje një pjesë të mirë të dhëmbëve, lidhet me një ndjesi negative.
C) Më e mira është që të tregojmë dhëmbët, por jo shumë, duke mbajtur ekuilibrin e duhur midis dy anëve të gojës që duhet të lëvizin në sinkroni për rreth 125 milisekonda

Nathaniel Helwig ka përfunduar: "Rezultatet zbulojnë se asnjë buzëqeshje e vetme nuk është perfekte në krahasim me të tjerat. Në të kundërt, është kombinimi i më shumë faktorëve që e bëjnë një buzëqeshje të suksesshme, është një çështje ekuilibri midis elementeve të ndryshëm".
Këto rezultate kanë aplikim të gjerë në sektorë të ndryshëm, psikologjia, kirurgjia estetike stomatologjia në veçanti smile design (dizajni i buzëqeshjes).
Jashtë fushës shëndetësore aplikimet shkojnë nga e folura në publik në grafikën e kompjuterizuar dhe në botën e publicitetit.

Si profesionistë të buzëqeshjes rezultatet e studimit të Helwig nuk na kapin në befasi. Dy janë konsideratat që mund të bëjmë rreth temës:
1) Si mjekë nuk duhet të anashkalojmë qasjen e dizajnit të buzëqeshjes që falë teknikave të cilat disponojmë, na lejojnë që t'i propozojmë në mënyrë të re stomatologjinë estetike pacientëve.
2) Si administrues të një klinike duhet të kultivojmë buzëqeshjet në buzët e skuadrës së punës, duke kërkuar harmoninë që pacienti jeton si një vlerë e madhe shtesë për marrëdhëniet në shërbimin e kurave që i ofrojmë. Buzëqeshja bën që të lindë përhapja e fjalës.

Davis Cussotto

Përkthimi: Erjola Taga