Pacientët psikiatrikë mësojnë higjienën orale dhe stilet korrekte të jetës. Rezultatet e projektit "Higjiena Orale dhe Stili i Jetesës" i Universitetit Insubria

Përgjatë tre muajve Universiteti i Studimeve të Insubria ka zhvilluar Projektin "Higjiena Orale dhe Stili i Jetesës" pranë Qendrës Ditore të Varese-s që ka nxjerrë konkluzionin e saj me prezantimin e projektit në institucione dhe me pjesëmarrjen direkte të pacientëve.
Qendra Ditore drejtuar nga prof. Simone Vender dhe nga dr. Bressani është një strukturë gjysmë rezidenciale me funksione terapeutike-rehabilituese dhe risocializuese që parashikon rikthimin e pacientit në familje në mbrëmje. Shërbimi vepron dhe jashtë strukturës me aktivitet që favorizon integrimin e personit në territorin e tij. Në brendësi të këtij kontesti Kursi i Diplomimit Higjiena dentare i Universitetit të Studimeve të Insubria-s nën presidencën e prof. Luca Levrini, në bashkëpunim me higjienistet dentare dr. Martina Gangale dhe znjsh. Martina Guazzoni ka menduar të propozojë një projekt ekzaminimi dhe edukimi drejtuar pacientëve që frekuentojnë qendrën; pacientë të prekur nga çrregullimet mendore me natyrë të ndryshme, në veçanti skizofreni dhe çrregullime të humorit, karakteristikat kryesore të të cilëve parashikojnë pak kujdes ndaj kurave të tyre, adoptimit të stilit të jetës jo të shëndetshëm dhe konsumit të barnave.

Kushte të tilla i korrespondojnë një higjiene të keqe dhe çrregullime të zgavrës së gojës duke shtuar në këto individë incidencën e patologjive karioze dhe gingivale shpesh të shoqëruara nga konsumi i cigares dhe alkoolit. Ndërgjegjësimi i paktë që lidhet me vetë gjendjen shëndetësore dhe vështirësinë e aksesit ndaj kurave në terren, e bëjnë të vështirë parandalimin dhe kurimin e këtyre pacientëve, e gjitha amplifikuar nga mungesa e rrjeteve sociale.

Objektivi i projektit ka qenë ai i vlerësimit të gjendjes shëndetësore orale të një kampioni prej 35 pacientësh të prekur nga patologjia psikiatrike kronike, që i përkasin Qendrës Ditore të Varese-s, rritjes së shkallës së aderencës ndaj higjienës së duhur orale dhe verifikimit të efikasitetit të një qasjeje edukative të grupit duke vlerësuar aksesin ndaj shërbimeve odonto-stomatologjike.
Nga rezultatet fillestare tregohet se në përgjithësi kampioni ka nevojë për higjienë orale profesionale dhe parandalim, rreth 40% e pacientëve ka nevojë për kura stomatologjike që shkojnë nga kirurgjia në proteza, nga konservativa në vizitat e specializuara të patologjisë. Takimet e informacionit personal dhe të grupit me higjienë orale dhe stile korrekte jetese kanë çuar në një përmirësim të pothuajse të gjithë grupit në botë, kohëzgjatje dhe frekuencë në menaxhimin e vetë zakoneve personale përfshirë zvogëlimin e zakonit të duhanpirjes pa llogaritur një rritje masive të pasojave mbi temën nga ana e të gjithë individëve.

Gjatë ditës së mbylljes së punimeve janë paraqitur rezultatet e përftuara ndërsa vetë pacientët janë bërë autorët kryesorë duke i paraqitur individëve që ishin pjesë e qendrës pasojat e mësuara nëpërmjet përpunimeve të grupit.
"Burimi i vërtetë i kësaj ndërhyrje ka qenë një veprim efikas rrjeti midis strukturave shëndetësore dhe universitare, duke dëshmuar dhe një impakt të vlefshëm rehabilitues te pacientët", afirmon dr. Emanuela Berto, mjeke psikiatre përgjegjëse e Qendrës Ditore. Në të ardhmen e afërt pranë Klinikës Odonto-stomatologjike të Velate-s, do t'i dedikohet një shërbim i higjienës orale profesionale që i kushtohet plotësisht kurimit të individëve dhe urojmë që kjo të mund të jetë e mundur edhe për tipologjitë e tjera të kurave me qëllim që t'i japë zë edhe nevojave shpesh të zhytura të kësaj kategorie sëmundjesh.

Këto janë të dhënat e mbledhura:
Mosha: 35 individë nga 20 në 82 vjeç
Seksi: 23M, 12F
Diagnoza: 90% skizofreni, 10% çrregullime të humorit
Situata klinike në zgavrën e gojës: DMFT: 14,5: CPTIN:3; pllakë bakteriale nga 79% në 62%; lezione të mukozës: 5 raste beninje, 1 rast i dërguar në patologji orale. Duhanpirja: 56%; alkooli: 3%
Njohuritë fillestare në temën e shëndetit oral 70%; njohuri finale 90%
Zakone: Larja me furçë: frekuenca - nga 1,5 herë/ditë në 2 herë/ditë; koha - nga 1 min. në 2 min; teknika - përpara korrekte: 0%; pas korrekte: 71,4%; duhanpirja nga 23 cigare/ditë në 20 cigare/ditë.

Nën kujdesin e: Martina Gangale, higjieniste dentare

Përktheu: Erjola Taga