Frika nga dentisti mund të parandalohet dhe kurohet

Steven Goldberg, DDS prej vitesh merret me problemin dhe ka trajtuar argumentin në një artikull të kohëve të fundit në Dentistry IQ.
Një studim i kryer në Columbia Dental School Washington zbulon se 50% e popullsisë amerikane shmang kurat stomatologjike nga një problem me ankthin. Këto të dhëna shpjegojnë përse neglizhenca dentare është kaq e përhapur. Shumë persona e perceptojnë gojën si një aparat në një farë mënyre të shkëputur nga pjesa tjetër e organizmit dhe i kushtojnë më pak rëndësi kurimit të zgavrës së gojës në krahasim me llojet e tjera të trajtimeve mjekësore. Odontofobia shpesh vjen nga një eksperiencë e të kaluarës kur procedurat dentare ishin faktikisht më invazive. Burim tjetër i ankthit është përhapja e fjalës negative e të afërmve apo miqve. Mediat popullore për fat të keq e rëndojnë problemin, duke mundësuar një përfaqësim të dentistëve si "mjeku i dhimbjes" duke krijuar një mit fals, të vështirë për t'u mposhtur.

Informacioni i duhur është çelësi për të luftuar odontofobinë. Ajo që vijon është një panoramë e teknikave që dentistët mund të adaptojnë me pacientët në risk, të këshilluar nga dok. Goldberg.
1) Bëj një apo më shumë seanca "para trajtimi të vetëdijshme" pra fto pacientin të ulet në poltron vetëm për të biseduar me personelin ose për të kryer diagnostikimin preliminar me fotografi, radiografi dhe gjurmë dixhitale apo kryeni screening të karcinomës orale. këto veprime i lejojnë pacientit që të fitojë besim te personi që e kuron dhe luajnë një rol shumë të rëndësishëm në praktikën e ardhshme klinike.
2) Lejojini pacientit që të ketë kontrollin e kurimit, duke paraqitur gjithmonë "sinjalin e alarmit" si ngritja e krahut për të ndaluar mjekun në rast bezdisje.
3) Teknika e "shpërqendrimit" është gjithmonë efikase: t'i vendosësh pacientit muzikë që ta dëgjojë me kufje ndihmon që ta izolojë nga zhurmat e sallës. Më mirë përdorni gjithmonë lista të reja këngësh për pacientin për të krijuar vëmendje më të madhe në atë që dëgjojnë.
4) Pacienti fobik mendon se mos gjykohet negativisht dhe duhet siguruar për këtë duke i kujtuar se normalisht ju vizitoni mijëra persona në vit dhe jeni mësuar me çdo lloj personaliteti dhe problematike dhe që frikërat e tij nuk janë aspak të veçanta por shumë të përhapura midis pacientëve të klinikës.
5) Përdorimi i teknikave të reja ndihmon që të bëjë trajtimet e reja më miqësore. Me këtë qëllim Goldberg ka licencuar DentalVibe Injection Comfort System që ta përdorë njëherësh me anestezinë, paraqitet si një hapëse goje (cheek retractor) "vibruese", që aplikon kompresime të vogla në mukozën e zonave përreth injektimit të ages duke reduktuar ndjesinë e dhimbjes së provokuar nga futja e ages.
6) Përdor farmakologjinë, benzodiazepinat janë të dobishme, përdoren që një natë para takimit, përshkruajini.
7) Për të edukuar fëmijët me vizitën stomatologjike është e dobishme t'i mësojmë prindërve që të fusin gishtat në gojën e fëmijëve për t'i larë dhëmbët që kur janë të vegjël, do t'i ndihmojë që të tolerojnë më mirë veprimet e dentistit.
8) Të edukosh në fakt prindërit që të mos projektojnë ankthet e tyre dhe ndjesitë e tyre të jetuara te dentisti te fëmija; kjo për të shmangur infektimin e gjeneratave të reja me stereotipe të të kaluarës.
Si dentistë shpesh jemi kaq të përqendruar në kompetencat tona teknike sa humbim nga vështrimi një nga aspektet më të rëndësishme të praktikës stomatologjike pra: perspektivën e pacientit. Dorë pas dore, që ndër personat përhapen njohuritë e teknikave të reja pa dhimbje, odontofobia do fillojë të reduktohet.

Nën kujdesin e: Cussotto Davis, stomatolog