Kujdesi ndaj fluksit në kasë për garantuar shëndetin ekonomik të klinikës. 5 rregullat që të paguheni nga klientët tuaj

Mendoj se e keni vënë re tendencën gjithmonë e më të përhapur për të nxitur zinxhirë borxhesh që çojnë në mjerimin kolektiv. Është një proces i vazhdueshëm që duket se vetë ushqehet: profesionistë apo kompani që shërbejnë si bankë për vetë klientët (vetëm kompanitë më të mëdha), që nga ana e tyre shërbejnë si bankë për klientët e tyre (shpesh kompani të tjera akoma më të mëdha, madje dhe multinacionale).
Një rrjet vicioz që krijon vetëm varfëri. Përfundon në mënyrë paradoksale duke qenë në borxhe nga kreditë, siç i them gjithmonë klientëve të mi.

Pa qarkullime në kasë nuk mund të bëhet (mirë!) biznes.
E shpjegon qartësisht një tekst i Ivan Fogliata dhe Michele Giorni, publikuar tetorin e shkuar: "Faturimi është një opinion. Kasa është një fakt" (Publikimet Mind, 2016).
Qarkullimi operativ i parasë (likuiditeti për t'u kuptuar) është bërë një indeks kryesor për shëndetin e kompanisë. Besueshmëria e kasës, disponueshmëria vërtetë e pranishme që mund të shpenzohet, janë garancia e mirëqenies ekonomike dhe me mundësi investimi.

Si përftohet qarkullimi operativ i parasë?
Duke paguar në mënyrë konstante furnitorët (në kohë të shkurtër) dhe duke u paguar në mënyrë konstante dhe në kohë të shkurtër nga vetë klientët. Rregulli i ri duhet të jetë "sa më shpejt aq më mirë!".
Dëgjoj tashmë korin e zërave (për të mos thënë të bërtitura!)... "E pamundur!!", të cilave i përgjigjem: "E keni provuar?. Të keni provuar seriozisht e kam fjalën, duke studiuar dhe duke shkruar marrëveshje ekonomike dhe plane pagesash me të gjithë klientët dhe furnitorët tuaj, në mënyrë konstante dhe sistematike?
Që të paguheni nga klientët tuaj janë të nevojshme disa masa paraprake:
1) Të informoheni rreth besueshmërisë së klientit (duhet të mblidhni sa më shumë informacione që të jetë e mundur rreth klientëve tuaj dhe të shkruani të gjitha të dhënat në skedat përkatëse të data bazës suaj - pasuri e vërtetë për një kompani).

2) Të dispononi plane pagese të shkruara, me tarifa të qarta dhe të detajuara që duhet të jenë të nënshkruara nga të dyja palët.
3) Të parashikoni gjithmonë një pagesë paraprake që mundëson "mbulimin" e një pjese të mirë të kostove që duhet të mbuloni për të kryer një shërbim.
4) Të procedoni me punët me të njëjtin hap si me llogaritë, si një garanci reciproke.
5) Të monitoroni në mënyrë konstante situatën e kredive qe duhen shlyer, duke verifikuar siç duhet respektimin e akordeve të kryera me klientin.
Për të pasur një kompani të shëndetshme nevojitet që të ruhen madhësitë financiare dhe të gjenerohen flukse pozitive në kasë. Janë këto të fundit në fakt ato që mundësojnë mbijetesën dhe rritjen e kompanisë. E vështirë nuk do të thotë e pamundur!

Nën kujdesin e: Massimo Depedri, konsulent biznesi, ekspert në kontrollin e menaxhimit, themelues i Aula41