Ndërhyrjet në buzë: ja si të ruajmë pamjen natyrale

Cili është kufiri midis buzëve të bëra tërheqëse nga kirurgu dhe buzëve që duken hapur "të bëra", aq sa duken jo natyrale? Një përgjigje, të paktën parciale, për këtë pyetje vjen nga një studim i publikuar në revistën "Jama facial plastic surgery" nga Sang Kim, kirurg plastik në Natural face clinics të Syracuse (Usa) dhe Daniel Rousso i University of Alabama në Birmingham (Usa).

"Janë gjithmonë e më të shumtë njerëzit që i nënshtrohen një ndërhyrje për të modifikuar formën e buzëve dhe është e rëndësishme të arrijmë të kuptojmë se cili është perceptimi i përgjithshëm rreth rezultateve të kësaj ndërhyrje" shpjegon Kim që bashkë me kolegët ka përfunduar një sondazh me 98 pjesëmarrës, duke i kërkuar atyre të shikonin një sërë fotografish dhe të tregonin se sa dhe cilat ishin tipologjitë e buzëve që i dukeshin atyre jo natyrale ose të trajtuara. Nga përgjigjet e përftuara nga pyetësori kërkuesin arritën të përcaktonin karakteristikat e buzëve që i japin kësaj pjese të trupit një pamje më natyrale edhe pas një "ndërhyrje."

"Në një sintezë ekstreme, mund të themi se ajo që ka më shumë rëndësi për të ruajtur pamjen natyrale të buzëve është ruajtja e proporcioneve fillestare të gojës duke shmangur, siç ndodh shumë shpesh, përdorimin e filler-it vetëm për buzën e sipërme" shprehet Kim, që kujton se ka rëndësi dhe respektimi i detajeve të tjera kur ndërhyhet në nivel të buzëve. Një shembull mbi të gjithë është konsideruar "harku i Kupidit", gropëza e vogël midis buzës së sipërme dhe hundës, aq e rëndësishme për të përcaktuar formën dhe shprehinë e buzëve dhe që rrezikon të modifikohet në mënyrë të tepruar në rastin e një ndërhyrje pak të kujdesshme.

"Është interesante të theksojmë se gjatë studimit janë shfaqur ndryshime në perceptimin e pamjes së buzës midis fashave të ndryshme të moshës" afirmon autori që më pas saktëson: "Më të rinjtë, ndoshta sepse janë më të mësuar me këtë lloj modeli estetik, kanë tendencën që të tregohen më tolerant për rritjen e volumit për buzën e sipërme." "Nuk harrojmë megjithatë se një ndërhyrje në buzë mund të ketë komplikime edhe pse të rralla si për shembull, reaksion alergjik ndaj filler-it apo infeksione në njësinë e injektimit" komenton David Cangello, idel Lenox Hill Hospital and Manhattan Eye, Ear and Throat Hospital në New York City.