Përhapja e fjalës, 4 veprimet që duhen ndërmarrë për të mos e pësuar por për ta dominuar

Përse përhapja e fjalës është instrumenti i marketingut te shërbimet? Përgjigja lind nga diskutimi i principeve të administrimit të një shërbimi, shërbimi dentar është një i tillë. Eksperiencës së pacientit mund t'i aplikojmë kështu me qetësi karakterizimet e një shërbimi.
Realizohet në ndërveprimin me pacientin, që kërkon një rol pjesëmarrës dhe jo pasiv. Ka një strukturë komplekse: komponentit teknik, ndaj të cilit nuk aplikohet skonto, i shtohet ai organizativ dhe ai i marrëdhënies. Nëse këto të fundit janë të dobët, niveli i kënaqësisë së pacientit do të kompromentohet jashtëzakonisht. Vetëm nëse do të jetë "më" shumë se i kënaqur do të përhapë fjalën pozitive duke i treguar të tjerëve eksperiencën e jetuar. Për të përftuar këtë efekt duhet të synojmë dhe drejt komunikimit në të gjithë format e tij. Mbi të gjitha sepse udhëzon pacientin në rolin e tij.

Ky rishqyrtim i shërbimeve dentare është i nevojshëm sot: të vëresh nga një pikëpamje e ndryshme mënyrën e veprimit në klinikë. Me këtë autokritikë të shëndoshë, të nevojshme për të kuptuar që ato që ishin shtyllat e suksesit në të shkuarën, duhet të zëvendësohen.
Konteksti bëhet më i pasur nga kontributi i teknologjisë informatike, e nevojshme për të gjetur pacientët dhe për të fituar besnikërinë e tyre.

Telefonat smart të japin akses të menjëhershëm në ueb dhe mund të bëjnë viral (amplifikojnë) mesazhin e përhapjes së fjalës duke e shpërndarë me shpejtësi në një numër shumë të madh personash.
Çdo ditë në Itali kërkohet 13 000 herë në Google togfjalëshi "dentist dhe implante" dhe 12 000 herë "kur bien dhëmbët e qumështit". Personat kërkojnë informacione shëndetësore në ueb dhe mbi të gjitha dikë që të mund të zgjidhë problemin e tyre. Për këtë është e rëndësishme që dentisti duhet të jetë i pajisur me instrumentet e përshtatshme.

Katër gjërat që duhen bërë për të mos e pësuar por për ta dominuar fenomenin:
1) Siti ueb duhet të ndjekë rregullat e SEO (optimizim për motorët e kërkimit) i pajisur me hapësirën news/blog për azhornimet periodike; që të mund të gjendesh kollaj nga pacientët potencialë në kërkim të informacionit.
2) Fan page i klinikës dentare dr. NN, në facebook për të fituar besnikërinë e pacientit
3) Një plan editorial që vendos kadencën e publikimeve në sit dhe në facebook që do të kurohet nga referuesi i komunikimit, një figurë që duhet të identifikohet brenda ekipit.
4) Plotësimi i skedës së aktivitetit të google my businness që krijohet automatikisht nga Google për çdo aktivitet të pranishëm në hartat e tij. Plotësimi duhet të respektojë me rigorozitet koherencën e NAP (Emër, Adresë, Telefon) të pranive të tjera ueb të klinikës (siti, media sociale etj.) në këtë mënyrë skeda mund të shfaqet në faqen e parë (SERP) të Google për kërkimet dentist/emri i vendit.

Nën kujdesin e: Erika Leonardi, eksperte e organizimit të bisnesit; Davis Cussotto stomatolog.

Përktheu: Erjola Taga