Studimi i Jama, sitet ueb që vlerësojnë mjekët pak efikasë. Shumë mekanikë dhe recensione të pakta

Nga një analizë e sapo publikuar në "Jama" që ka krahasuar 28 site komerciale që të lejojnë të zgjedhësh një mjek në bazë të feedback-ut të marrë nga pacientët, del në pah se motorët e kërkimit janë shumë mekanikë dhe recensionet shumë të pakta. Një numër gjithmonë e më i madh personash është në kërkim të informacioneve në rrjet rreth mjekëve dhe rreth 60% e të intervistuarve rreth argumentit, mbështet vlefshmërinë e zgjedhjes së mjekut nga recensionet e marra në rrjet nga një profesionist. "Është ndër metodat më të përdorura për të gjetur dhe krahasuar të dhënat rreth cilësisë së kurave të mundësuara nga çdo operator shëndetësor janë pikërisht sitet ueb të specializuar në klasifikimin e mjekëve në bazë të feedback-ut të marrë" shpjegon Tara Lagu e Baystate Medical Center në Springfield (Usa), që bashkë me kolegët ka analizuar 28 site ueb për një total prej 600 mjekësh në aktivitet që vinin nga tre zona metropolitane, pra Boston në Massachusetts, Portland në Oregon dhe Dallas në Texas. Kërkuesit më pas kanë llogaritur numrin mesatar të recensioneve të marrë për mjek, duke analizuar efikasitetin e motorit të brendshëm të kërkimit në çdo sit që lejon identifikimin e profesionistit të kërkuar në bazë të disa karakteristikave.

"Nga rezultatet e përftuara del në pah që pak site i lejojnë përdoruesit një kërkim në bazë të patologjisë së trajtuar, llojit të mjekut, përkatësisë spitalore, gjuhëve të folura dhe ndaj llojit të sigurimit të pranuar" vijon Lagu, duke nënvizuar se në 28 sitet janë gjetur 8.133 recensione për 600 mjekë. "Ndër mjekët me të paktën një recension në çdo sit të konsultuar, recensionet mesatare ishin 7, por një e treta e mjekëve kishin recension vetëm në një pjesë të siteve të konsultuar", shkruajnë kërkuesit, duke saktësuar së nga konsultimi i siteve të bazuar në recensionet e marra nuk është e thjeshtë për pacientin të zgjedhë mjekun më të përshtatshëm edhe për shkak të motorit të brendshëm të kërkimit, jo gjithmonë i duhuri për nevojat e të sëmurit.

Për më tepër:
Jama 2017. doi:10.1001/jama.2016.18553

Përktheu: Erjola Taga