Legionella: asnjë rritje e riskut të infektimit për stomatologët. Rezultatet nga një hetim amerikan

Legionella është një lloj bakteri aerob gram negativ nga i cili janë identifikuar më shumë se 50 specie të ndara në 71 serotipe. Është agjenti etiologjik i legionelozës, një sëmundje oportuniste që prek më shpesh personat e prekur nga sëmundje të tjera sistemike ose me një sistem imunitar të dobësuar nga mosha ose nga konsumimi i barnave. Legioneloza mund të shfaqet qoftë si legioneloza e vërtetë qoftë si një formë e rëndë potencialisht vdekjeprurëse e pneumonisë ose si ethet Pontiac, ose me simptoma të ngjashme me të gripit. Nga rastet e legionelozës së raportuar nga Qendrat për Kontrollin dhe Parandalimin e Sëmundjeve (CDC), 44% e rasteve kërkonte terapi intensive dhe 9% kanë rezultuar vdekjeprurës.

Legionella është në gjendje të mbijetojë në ujëra me temperatura të ndryshme, pH të ndryshëm, me përmbajtje të ndryshme ushqyese dhe me nivele të ndryshme oksigjeni, pra është e zakonshme si në ambiente ujore natyrale si në ato artificiale. Legioneloza merret nëpërmjet frymëmarrjes ose inhalacionit të aerosolit të ujit të kontaminuar. Në fushën stomatologjike një varietet i pajisjeve dentare si frezat me shpejtësi të ulët dhe të lartë, instrumente me ultratinguj dhe shiringa me ujë të atomizuar, prodhojnë aerosol me ujë të bollshëm dhe konstant prandaj personeli stomatologjik mund të jetë shumë i ekspozuar ndaj riskut të infektimit nga Legioneloza. Rreth temës: "risku për t'u infektuar nga bakteri në klinikën stomatologjike", ka ngjallur një debat të gjerë që ka arritur deri në tavolinat ministrore duke përfshirë parandalimin në klinikën stomatologjike, ndër kapitujt e udhëzimeve që nuk janë publikuar akoma në Fletoren Zyrtare.

Rezultatet e një kërkimi të kryer pothuajse 3 dekada më parë, kur kishte akoma sisteme dezinfektimi/sterilizimi shumë ndryshe nga këto aktualët , sugjeronin se risku për të marrë infeksionin nga specia Legionella ndër personelin dentar, ishte nga 2 në 7 herë më e lartë krahasuar me personat e zakonshëm që nuk kishin kontakt nëpërmjet punës me ambientet stomatologjike.

Por në gjendjen aktuale është akoma kështu?
Një studim amerikan i kohëve të fundit i publikuar në JADA mars 2017 trajton këtë problematikë me objektivin primar të përcaktimit të prevalencës së antitrupave të Legionella pneumophila në personat e përshirë në fushën stomatologjike në Shtetet e Bashkuara dhe duke e krahasuar me prevalencën në një grup personash që nuk ishin profesionistë stomatologë në gjendjen aktuale dhe të zakonshme dhe nuk kishin praktikuar kurrë në sektorin stomatologjik. Objektivi sekondar i studimit ka qenë ai i karakterizimit të faktorëve të riskut nga ekspozimi ndaj L. pneumophila.

Autorët kanë përftuar të dhënat demografike dhe të dhënat rreth frekuentimit profesional të fushave stomatologjike nëpërmjet Programit vjetor të depistimit të American Dental Health Association me një sondazh të injektuar në një kampion popullsie duke filluar nga 2002 deri në 2012.
Autorët pra kanë marrë kampione serumi të përftuar nga pjesëmarrësit e përfshirë në studim për të kërkuar antitrupat L. pneumophila.
Ndër 5.431 pjesëmarrësit, rreth 10% kanë rezultuar pozitivë ndaj L. pneumophila, pa ndryshime domethënëse ndërmjet stomatologëve dhe jo stomatologëve.
Pozicioni gjeografik ka rezultuar të jetë i vetmi parashikues domethënës i seropozitivitetit pa asnjë shtim të riskut për të qenë të ekspozuar ndaj L. pneumophila që lidhet me moshën, racën, seksin, vitet e praktikës stomatologjike, orët e praktikës stomatologjike në javë, përdorimin e barrierave të mbrojtjes ose praktikat e kontrollit të infeksioneve.
Nga të dhënat e këtij studimi amerikan mund të dalim në përfundimin se të punosh në fushën stomatologjike nuk rrit riskun që të ekspozohesh nga Legionella dhe që sidoqoftë përdorimi i maskave apo mbrojtëseve akoma konsiderohet strategjia më e mirë për të eliminuar riskun.

Nën kujdesin e: Lara Figini, Koordinatore Shkencore Odontoiatria33

Për më tepër:
Rates and predictors of exposure to Legionella pneumophila in the United States among dental practitioners Cameron G. Estrich; Stephen E. Gruninger; Ruth D. Lipman JADA marzo 2017 148(3)

Përktheu: Erjola Taga