Dentist lider... lind apo bëhesh? 5 rregullat për t'u përmirësuar nga ekspertja amerikane

Herën e parë askush nuk është më mirë se kushdo tjetër për të drejtuar një klinikë dentare. Dentisti lider thjesht zotëron një eksperiencë të mirë të jetës reale; ka pasur suksese lidhur me vendime shumë të mira dhe ka eksperimentuar gjithashtu gabime dhe dështime. Vetëm në këtë mënyrë mund të rritet dhe maturohet për t'u bërë një lider i madh.
Kjo është ajo që mbështet Lisa Knowles dentiste dhe konsulente amerikane nëpërmjet Blog-ut të saj.
Në karrierën time - saktëson Knowles - jam udhëhequr nga shumë lider, kam njohur të tjerë dhe sot administroj një klinikë dentare.
Lidershipi mund të mësohet, për këtë kam seleksionuar 5 rregulla për ta përmirësuar:
1) Titujt nuk kanë fare rëndësi. Pas diplomimit jemi ndier të emocionuar që u bëmë doktorë. Në fushë kuptojmë se bashkëpunëtorët, kolegët dhe pacientët na respektojnë dhe na vlerësojnë jo vetëm për shkak të titujve tanë akademikë por thjeshtë sepse jemi në gjendje t'i dëgjojmë dhe t'i ndihmojmë për të arritur objektivat e tyre. Për të fituar besimin e tyre premtojmë gjëra të vogla, i mbajmë premtimet dhe ndonjëherë i tejkalojmë ato. Të tjerët na vëzhgojnë në rutinën tonë edhe kur jemi nën presion dhe vetëm me provën e fakteve arrijmë të fitojmë vlerësimin e nevojshëm.

2) Studio. Përdore me kursim përgjigjen "nuk e di!" në grupin e punës. Shpesh problemi kalon nëpërmjet rritjes së kompetencave të bashkëpunuesve që lideri nxit për të gjetur zgjidhje. Dentisti lider duhet të dijë pak nga të gjitha: sa herë duhet të sterilizohen instrumentet pro taper, kur duhet të realizojnë një Duvri dhe si të rikonfigurojnë printerin; në momentin e nevojshëm të dijë kujt t'i drejtohet për të kryer këtë mision.

3) Krijo më parë një projekt. Vizioni i të gjitha gjërave që duhen bërë është pikënisja, puno më pas me grupin të cilit duhet t'i delegosh realizimin e detajeve. Për shembull, vendoset të rinovohet salla e pritjes së klinikës, stabilizohet buxheti, me shikimin e preventivave fillohet me punimet që përfshijnë përveç personelit një dekorues, kompaninë e pastrimit, disa artizanë. Dentisti lider që zhvillon detyrën e drejtuesit të punimeve nuk harron gjërat dhe as personat. Forcon dhe inkurajon duke përgëzuar rezultatet pjesërisht të arritura që do të çojnë drejt objektivit në respekt të kohëve dhe të kostove të përcaktuara më parë.

4) Komuniko në mënyrë efikase. Komunikuesi i mirë di të dëgjojë dhe nga kjo mëson të lexojë personat e tjerë duke i ofruar atyre atë që kanë nevojë. Di të përdorë zërin, gjuhën e trupit dhe shikimin për të përfshirë në mënyrë efikase.

5) Mëso të njohësh pikat e tua të dobëta. Tani që i njeh, puno për t'u përmirësuar. Kërko falje çdo herë që është e nevojshme dhe ec përpara pa u ndalur shumë duke bluar në mendje gabimet e të kaluarës.

Lider lind apo bëhesh?
Me siguri të drejtosh një klinikë dentare sot nuk është detyrë e thjeshtë dhe kërkon dhunti dhe njohuri, pra nevojitet të punosh rreth kapaciteteve personale të lidershipit dhe rreth kompetencave teknike.
Për të përmbyllur më pëlqen të kujtoj mendimin e Fabio Tosolin, psikolog për sjelljet. Ka mundësi më të mëdha për të bërë karrierë ai që zotëron dy karakteristika të mënyrës së sjelljes:
1. Nuk e atribuon mos suksesin e tij në përgjegjësi të të tjerëve për shkak se nuk zotëron vetëvlerësim të tepërt;

2. Zotëron forcën e naivitetit që detyron këmbët e tij të lëvizin njëra pas tjetrës, ndërsa të tjerët kanë mbetur në vend për të vendosur nëse duhet të ndërpresin ose jo udhëtimin.

Nën kujdesin e: Davis Cussotto, stomatolog Twitter @DavisCussotto

Përktheu: Erjola Taga