Siti web për klinikën dentare. 10 gabimet që duhen shmangur

Realizimi i një siti web për klinikën dentare duhet të lindë nga një fazë projektuese që ka të bëjë me bashkëpunimin e dentistit me agjencinë e pajtuar të siti web, me qëllimin për të përftuar një rezultat efikas.
Është thelbësore për profesionistin që të zgjedhë "furnitorin" e duhur. Për të shmangur "hapjen e gropës me duart tuaja" duhet të çliroheni nga këto 10 gabime tipike:

1) Të mendosh për sitin web si një broshurë publicitare
Sitet profesionale të webit sot janë dinamike, pra duhet të jenë të modifikuara në përmbajtje nga ekipi dentar me software të quajtur CMS (Content Management System), që i lejojnë atij që nuk ka kompetenca programimi të hedhë dhe modifikojë tekste që lidhen me informacione të dobishme për pacientët potencialë, të organizuar në një hapësirë të quajtur news (lajme) ose blog.
CMS më e përhapur dhe më e fuqishme është WordPress.

2) Të mendosh për sitin si për mobiliet e sallës së pritjes
Objektivi i sitit web nuk është që të jetë sipas shijes tënde por që të jetë efikase për të kryer qëllimin e tij, pra për të rritur numrin e telefonatave për vizitat e para. Një furnitor ekspert, do dijë si t'i bëjë gjërat më së miri dhe kur të jesh duke i dhënë një këshillë mendo për ata pacientë që duan të të shpjegojnë si të vendosësh dhëmbët në protezën totale. Një sit i realizuar sipas shijes tënde dhe jo mbi bazën e asaj që i pëlqen përdoruesit do të rezultojë me shumë mundësi jo efikas. Lër që të jetë projektuesi ekspert i sitit, që ka parë dhe krijuar tashmë shumë site të tjera, që të vendosë se si do krijohet ai

.
3) Të kopjosh sitin e "zinxhirit dentar"
Të analizosh tregun duke u përpjekur për të kuptuar strategjitë e konkurrencës është e nevojshme. Por më mirë të shmangim që t'i kërkojmë agjencisë së sitit që të realizojë një sit të njëjtë me atë të konkurrentit. Të imitosh në mënyrë shabllone nuk është kurrë një mënyrë e mirë për të lënë pas konkurrentët dhe sigurisht nuk do të të dallojë nga ata, nëse nuk bën gjë tjetër veç se të kopjosh lëvizjet e tyre.

4) Të lësh pas dore aspektet SEO (Search Engine Optimization - Optimizimi i Motorit të Kërkimit)
Mos mendoni që një agjenci e specializuar për sitet web di në mënyrë perfekte si të realizojë një sit të optimizuar për motorët e kërkimit (në terma teknik: SEO friendly). Nuk mjafton të realizosh një sit dhe ta hedhësh në rrjet për të të gjetur automatikisht pacientët e rinj potencialë.
Kur zgjedh një agjenci ose një person për të krijuar sitin, sigurohuni të paktën që të ketë një ide se çfarë është SEO (strukturë piramidale e faqes, titujt dhe nëntitujt, linqet e jashtëm dhe të brendshëm me sitin, emërto fotot, URL ose adresa e internetit që të kujton klinikën etj.)

5) Të injorosh se cilën CSM do të përdorin për sitin tënd
Kur i përshkruan porcelanin në grupin frontal laborantit tënd, me siguri nuk harron të specifikosh që pretendon të kesh një disilikat ose një leucit ose një zirkon mono bllok.
Kur i kërkon një website agjencisë duhet të kërkosh që CSM me të cilën do të zhvillohet, të jetë WordPress për 3 arsye:
• është SEO friendly
• është e thjeshtë për t'u përdorur (lejon të modifikohen faqet e sitit për ta azhornuar)
• është një platformë open source, pra është falas dhe nëse rastësisht nuk gjendesh mirë me agjencinë tënde mund ta ndërrosh pa humbur faqen tënde, mjafton vetëm të gjesh një të re, që të dijë të krijojë me WordPress

6) T'i besosh kushëririt të asistentes tënde
Nëse një laborator teknik të propozon një kurorë me çmime të përgjysmuara krahasuar me çmimin mesatar të tregut: një problem cilësie duhet të ekzistojë patjetër!
Faqja e internetit është një instrument pune, jo një lojë dhe duhet të krijohet nga profesionistë. Kujdes pra nga kushëriri i asistentes tuaj që "bën manovra" në kompjuter dhe që ju propozon për të realizuar faqen e internetit në këmbim të një zbardhimi dhëmbësh. Në rrjet sot ekzistojnë zgjidhje pa pagesë, që në duart e eksperimentuesit të lejojnë të krijosh site të prekonfeksionuar dhe të këndshëm. Nga ana e SEO, në përgjithësi këto faqe paraqesin mangësi të mëdha dhe e bëjnë të vështirë ose në disa raste dhe të pamundur, përftimin e një pozicionimi të mirë në motorët e kërkimit.

7) Trajtimi i tepërt
Nuk mbaj mend cili kirurg ka shkruar "ajo që nuk duhet është e padobishme", por është një rregull jete ku mund të frymëzohesh edhe për të realizuar një faqe interneti.
Një sit i thjeshtë por plot përmbajtje cilësore është më efikas se një sit si një broshurë publicitare statike i krijuar nga agjencia më e mirë në botë. Nëse kërkon shumë gjëra për të cilat nuk ke vërtetë nevojë, kjo bën që të shtohen orët totale të projektit.
Instrumente të realizuar posaçërisht si një integrim me drejtuesin tuaj, Aplikacioni i klinikës sot shumë në modë, mund të kërkojnë shumë orë programimi dhe mund të rrisin kostot pa dhënë efekte përfituese.

8) Perfeksionizmi
Modelon kuspidin e një molari në kompozit, të duket perfekt, ky është momenti për të ndaluar. Nëse shkon në kërkim të perfeksionit dhe i jep akoma një prekje të fundit me spatul mund të ndodhë që të ndikosh në rezultatin e mirë të arritur pak çaste më parë dhe duhet të rifillosh nga fillimi.
Në sitin web një nga shkaqet e shpenzimit të parave dhe kohëve të realizimit është fiksimi i tepërt për aspektet që kanë të bëjnë me grafikën ose me efektet speciale.
Pjesa më e madhe e pacientëve potencialë do të jetë e interesuar për përmbajtjen e faqes tuaj (blog) dhe për vlerën që mund t'i ofrohet. Hidhini një sy thjeshtësisë së faqes së parë (home page) të Google, siti më i vizituar në botë.

9) Të delegosh shumë
Përballë një plani trajtimi kompleks edhe nëse delegojmë endodoncinë e një molari, jemi ne ata që drejtojmë në vetë të parë zhvillimin e të gjithë ciklit të kurave. Raporti i empatisë me pacientin nuk është i delegueshëm. Mund ta ushqejmë thjesht duke i prekur dorën për një moment gjatë seancës së endodoncisë që zhvillon bashkëpunuesi ynë.
Kur si konsumatorë punojmë me agjencinë e rrjetit nuk mund t'i nënshtrohemi rolit tonë prej autori të vetë sitit web. Do të ishte si të shkruanim një libër në të cilin ne mundësojmë tekste të shkruara nga faqe të ndryshme interneti. Agjencia është edituesi dhe redaktuesi që vendos kopertinën (home page) llojin dhe dimensionet e karakterit, ndarjet dhe do të zhvillojë më pas funksionin e korrigjuesit dhe verifikuesit të teksteve dhe distributorin (aktiviteti i SEO). Por tekstet do t'i shkruajmë ne, sepse jemi të vetmit që njohim çdo aspekt klinik dhe organizativ të profesionit tonë.

10) Të kesh një sit jo të optimizuar për telefon celular apo tablet
Sot lundrimi nga celularët smartphone dhe tablet ka kaluar me kohë atë nga kompjuteri. Gjithmonë e më shumë përdorues do të shohin sitin tënd nga një pajisje mobile. Për të mos humbur pacientët realizo një sit që të adaptohet grafikisht me pajisjen me të cilën do të përdoret (sit responsive).

Nën kujdesin e: Davis Cussotto; Jacopo Matteuzzi

Përktheu: Erjola Taga