Viti 2017 i parë nga Oral Health Foundation. Shtatë aspektet që duhet të mbani "nën vëzhgim"

"Viti 2017 premton të jetë një vit emocionues dhe plot premtime për botën e stomatologjisë" - ky është opinioni i Oral Health Foundation, shoqata bamirëse britanike dedikuar shëndetit oral, që liston shtatë pikat që dentistët duhet të kenë parasysh për vitin që sapo ka nisur.

Disa problematika kanë të bëjnë ekskluzivisht me Britaninë e Madhe por edhe këto ofrojnë ide interesante: pritet, për shembull, një diskutim mbi rinovimin e kontratës së stomatologëve që operojnë në shërbimin publik, por ky do të jetë me shumë mundësi rasti për të ngritur një çështje me rëndësi të përgjithshme: roli i parandalimit të sëmundjeve orale dhe sistemike që mund të zhvillohet nga dentisti.
Lidhur ngushtë me këtë është udhëzimi për shëndetin oral në komunitet, i lëshuar në fund të vitit 2016 nga Nice, Instituti kombëtar për shëndetin dhe përsosmërinë klinike të Mbretërisë së Bashkuar: autoritetet lokale do të jenë shumë të përfshira në shërbimet e parandalimit në zonën e tyre dhe viti që ka filluar do të tregoje nëse do të dinë të luajnë në mënyrë efikase rolin që i është caktuar.

Fluoroprofilaksia për të luftuar kariesin ka të bëjë me të gjithë botën, por vendet anglosaksone shpesh janë karakterizuar për apelin për futjen e fluorit në sistemin hidrik: nga shumë palë e vendosur në diskutim për efektet e mundshme anësore, qasja sot riafirmohet, duke filluar nga qyteza e Skull, që do të jetë kryeqyteti britanik i kulturës në 2017 dhe që ka vendosur nga pozicioni i tij me vizibilitet të madh, që t'i nënshtrohet fluorizimit të ujërave të tij të pijshëm.

Nga ana tjetër shëndeti dentar i fëmijëve britanikë është përkeqësuar në vitet e fundit dhe në 2016, kanë qenë më shumë se 33 mijë ata të shtruar në spital për heqjen e dhëmbëve me anestezi të përgjithshme. Oral Health Foundation nënvizon se pothuajse të gjithë këto raste mund të ishin evituar me adoptimin e përgjithshëm të masave korrekte të parandalimit dhe të higjienës orale, por beson se në vitin 2017 mund të jenë më në fund operative programet e ndryshme të parandalimit të kariesit infantil, të futura në zona të ndryshme të Mbretërisë së Bashkuar në vitet e fundit.
Një nga pikat e sinjalizuara nga shoqata britanike lidhet me papilloma virus: parashikohet se më në fund do të aprovohet vaksinimi kundër Hpv pavarësisht gjinisë, duke njohur në këtë mënyrë se virusi vendos dhe meshkujt në rrezik për të zhvilluar kancerin e gojës, kështu si dhe shumë sëmundje të tjera të sinjalizuara në rritje të ndjeshme krahasuar me të shkuarën.

Trajtohet së fundmi Brexit, por në këtë rast mbizotërojnë pikëpyetje: se në ç'mënyrë do të reflektojë vendimi në botën stomatologjike është akoma shumë e vështirë për ta parashikuar, por qartazi do të ketë të bëjë dhe me profesionistët e shumtë të huaj që punojnë në Britaninë e Madhe.

Adelmo Calatroni

Përktheu: Erjola Taga