Jobs Act dhe klinika dentare. Përfshirja e bashkëpunimit midis klinikës dhe higjienistit dentar

Në javët e mëparshme Odontoiatria 33 ka shtjelluar risitë e sjella nga Jobs Act (Jumpstart Our Business Startups Act) në bashkëpunim me klinikën dentare.
Me avokaten Silvia Stefanelli, eksperte e të drejtës shëndetësorë në Bologna, donim të kuptonim nëse nëpërmjet rregullave të reja, puna e një bashkëpunuesi - p.sh. higjienisti dentar që bashkëpunon vetëm me një klinikë/strukturë dentare - mund të rrezikojë të transformohet në një punë me vartës.
Përgjigja e kësaj pyetjeje thotë avokatja Silvia Stefanelli, sot ka ndryshuar duke marrë parasysh disiplinën e re të paraqitur nga Jobs Act (D.Lgs 81/2015).
Vijojmë sipas rendit.
Kalimi nga një punë autonome e një profesionisti në një punë me vartës (me të gjitha pasojat me natyrë ekonomike), ka qenë gjithmonë një terren aksioni i jurisprudencës: më saktësisht, gjatë viteve gjyqtarët kanë përpunuar kritere të ndryshme (vartësi hierarkike, respektim orari, respektim organizimi etj.) në prani të të cilave puna "autonome" transformohej në punë "me vartës".
Tregues të tillë gjenin zbatim më të ngushtë ose më pak të ngushtë, si pasojë edhe e përmbajtjes së vogël apo të lartë intelektuale të performancës.

Tani kuadri juridik ka ndryshuar plotësisht.
Neni 2 i D.Lgs 81/2015, titulluar Bashkëpunime të organizuara nga klienti, vendos kështu:
1. Nga data 1 janar 2016, aplikohet disiplina e marrëdhënies së punës me vartës edhe në marrëdhëniet e bashkëpunimit, që do të konkretizohet me performancën në punë ekskluzivisht personale e të vazhdueshme dhe mënyrat e zbatimit të tyre janë të organizuara nga klienti duke ju referuar kohëve dhe vendit të punës.
2. Dispozita që paragrafi 1 nuk gjen zbatim duke ju referuar:
b) bashkëpunimit të huazuar në ushtrimin e profesioneve intelektuale për të cilat është i nevojshëm regjistrimi në regjistrin përkatës profesional kombëtar.

Përmbledhje: norma përcakton tre cilësi: personalitet, vazhdimësi dhe organizim hetero në prani të të cilave puna autonome transformohet në punë me vartës; rregulli i ri gjen zbatim edhe për profesionet intelektuale jo të regjistruara në regjistrin kombëtar të profesioneve (përjashtimi në fakt është parashikuar vetëm për ata që janë të regjistruar në këtë regjistër).
Për sektorin dentar ky rregull mund të sjellë një rrymë përçarëse.
Higjienisti dentar (profesion intelektual jo në regjistrin kombëtar të profesioneve) mundëson në fakt, në brendësi të klinikës dentare, një prezantim pa dyshim me natyrë personale, zakonisht me vazhdimësi dhe me një organizim nga vetë dentisti. Higjienisti dentar, në rastin me një bashkëpunim, gjendet kështu në pozicion "perfekt", sepse në njësinë e konstatimeve, organet e kontrollit deklarojnë ekzistencën e punës me vartës.
Rreth aplikimit të rregullit Ministria e Punës ka nxjerrë tashmë Qarkoren 3/2016 të 1 shkurtit 2016 me të cilën, duke njoftuar vullnetin e fillimit të disa fushatave specifike të kontrollit, qartëson edhe disa aspekte aplikative të vetë rregullit.
Në veçanti zbulon saktësimin sipas të cilit me organizimin hetero duhet të kuptojmë drejtimin hetero, që do të thotë nënshtrim edhe me natyrë drejtuese. Këtu mund të hapet një rrugë mbrojtëse që kalon nëpërmjet një organizimi korrekt të punës por edhe nëpërmjet një kontrate që ndihmon palët që të dëshmojnë se si funksionon marrëdhënia e bashkëpunimit.

Nën kujdesin e Av. Silvia Stefanelli

Përktheu: Erjola Taga