Edra Academy, formim dhe argëtim në një paketë të vetme

Edra, ofruesi zyrtar i kurseve të edukimit të vazhdueshëm në mjekësi, i njohur nga Ministria e Shëndetësisë në Itali, vjen me një propozim inovativ për mjekët stomatologë të Europës, i vlefshëm edhe për stomatologët në Shqipëri. "Implantology" dhe "Endodontics Basic Principles and up-to-date solutions" janë dy kurset rezidenciale disa-ditore që do të zhvillohen në Milano, ku pjesëmarrësit do të kenë mundësi jo vetëm të përditësojnë njohuritë e tyre por edhe të shijojnë kulturën dhe ushqimin italian. Për të gjithë të interesuarit më poshtë ju japim detajet.
Fillimisht mund të regjistroheni në platformën Edra Academy dhe të konsultoheni me të dhënat e organizmit të secilit kurs. Kështu për "Implatology" afati i fundit i regjistrimit është 10 shkurti 2017, ndërsa datat e realizimit të kursit janë 13 - 17 mars 2017. Për "Endodontics Basic Principles and up-to-date solutions" afati i fundit i regjistrimit është 21 prilli 2017, ndërsa datat e zhvillimit janë 22 - 26 maj 2017. Të dyja aktivitetet do të organizohen në Departamentin e Stomatologjisë në Universitetin e Milanos dhe në paketat e ofruara për mjekët stomatologë veç pjesëmarrjes në kurs dhe lëshimit të certifikatës, përfshihet edhe akomodimi, transporti nga hoteli te universiteti dhe vaktet e ngrënies në hotel.

Edra, e cila është partnere me shoqatat shkencore dhe universitetet më të mira në botë, ka një eksperiencë shumë vjeçare në trajnimet profesionale duke ofruar kurset shkencore më të kualifikuara dhe elitare. Cilësia e lartë vjen nga vlerësimi i nevojave profesionale, sot dentistët duhet të ndjekin specializime dhe të arrijnë objektiva profesionale në programe ku trupëzohen teoria, ushtrimet praktike dhe aktivitetet konkrete. Përgjegjësit shkencorë janë ndër më prestigjiozët në nivel ndërkombëtar. Për Implantologjinë është Dr. Diego Lops, autor i mbi 30 publikimeve dhe recensioneve, ndërsa për Endodoncinë, Massimo Gagliani, prof.asoc. në Universitetin e Milanos që nga viti 1993 dhe kryeredaktor i revistës "Italian Journal of Endodontology".
Qëllimi i kursit "Implantology" është që t'ju sigurojë pjesëmarrësve një kuptim të plotë asaj se si dhe kur implantologjia duhet të jetë një zgjedhje në trajtimin e pacientëve. Kursi mbështetet në një pasqyrë të parimeve themelore të implantologjisë dhe osteo-integrimit, që pasohet nga vlerësimi i pacientit me teknikat më të avancuara diagnostikuese.
Një qasje gjithëpërfshirëse prezanton edhe kursi i dytë mbi endodoncinë, e cila është një disiplinë në transformim të vazhdueshëm me përfshirjen në praktikën klinike të pajisjeve të reja dhe mjeteve diagnostikuese. Përmirësimi i file-ve rrotulluese endodontike dhe silantët e rinj biokompatibël janë dy nga konceptet e shumta në optikën e trajtimit të kanaleve të rrënjëve. Procedurat novatore e bëjnë trajtimin endodontik më të realizueshëm e të riprodhueshëm për praktikantët e përgjithshme, duke rritur cilësinë mesatare të terapive të ofruara. Zbuloni më shumë në www.edracademy.com