Klinika dentare dhe marketingu i brendshëm. 5 këshillat që të jeni fitues në "ZMOT"

Marketingu i brendshëm është bashkë me strategjitë dhe teknikat e marketingut që kanë si objektiv të tërheqin perspektivat dhe klientët drejt produkteve/shërbimeve të një kompanie (strategjia e shtytjes). Me fjalë të thjeshta, nuk kërkoj dhe kontaktoj klientë të mundshëm, por bëj që ato të më kërkojnë dhe kontaktojnë.
Në krahasim me kanalet klasike të reklamimit, marketingu i brendshëm po merr gjithnjë e më shumë rëndësi edhe për klinikën dentare pasi ajo është në gjendje të favorizojë mënyrat me të cilat pacientët kërkojnë dhe zgjedhin një profesionist.

Klinika dentare duhet të bëjë që pacienti i mundshëm ta gjejë dhe ta zgjedhë në vendin virutal në të cilin gjatë ditës kalon një pjesë gjithnjë e më të madhe të kohës së tij, duke u argëtuar dhe duke u informuar: WEB-i.
Siti dhe rrjeti social bëhen pra themelorë për të gjeneruar kontakte të reja, për të fituar pacientë të rinj dhe për të krijuar me to një lidhje të qëndrueshme dhe afatgjatë. Përmbajtja që kufizohet nëpërmjet Web-it (informacione, foto dhe video) është me rëndësi themelore dhe seleksionohet pra duke e planifikuar dhe përkufizuar me kujdes.

Nga FMOT (First Moment Of Truth) te ZMOT (Zero Moment Of Truth), si të shkëputesh nga siglat e pashqiptueshme?
Përpara ardhjes së teknologjive të bazuara tek web-i, eksperienca e blerjes ndahej në tre faza: stimuli, First Moment Of Truth (momenti i parë i të vërtetës, që për produktet vinte përpara raftit në dyqan dhe për shërbimet përbëhej nga kontakti i parë me profesionistin ose kompaninë) dhe momenti i dytë i të vërtetës (eksperienca e parë e konsumit të produktit ose dhënia e tij në rastin e shërbimeve).
Me web-in eksperienca e blerjes është pasuruar me një kalim të fundit që sipas Google është edhe më i rëndësishëm: momenti zero i të vërtetës (ZMOT), momenti në të cilin klienti i mundshëm krijon një ide të parë - virtuale - të produktit ose të shërbimit: nëpërmjet siteve, blogjeve, përshtypjeve dhe gjykimeve mbi rrjetet sociale dhe mbi drejtori të specializuara, konsumatori informohet, ballafaqohet, lidhet dhe vendos.
Te ZMOT gjenden duke konkurruar në të njëjtin plan miq, të huaj, site, ekspertë, reklamues dhe procesi nuk është as linear as njëdrejtimësh. Ekspertët e krahasojnë me një hinkë, "funnel", ose më mirë me një udhëtim me ndalesa në shumë qendra.
Të gjithë sektorët merceologjik janë të përfshirë nga ky proces, duke përfshirë botën e shëndetësisë: pacientët i drejtohen gjithnjë e më shumë burimeve online për kërkimin e informacioneve shëndetësore mbi një sëmundje ose një problem specifik, mbi një trajtim, një ekzaminim ose një procedurë mjekësore dhe mbi profesionistët, mjekët specialistë ose dentistët.

Është thelbësore pra edhe për klinikën dentare të mos e humbasë këtë mundësi, të gjendet nëpërmjet kanaleve të marketingut të brendshëm nga pacientët e mundshëm në momentin zero të të vërtetës së pacientëve.
Google është ZMOT?
Kërkimi i përdoruesve shpesh nis nga motorët e kërkimit pra dhe në Itali (dhe në Evropë) nga Google, por jo vetëm. Me ardhjen e gjashtë rrjeteve sociale mënyra e aksesit dhe konsultimit të internetit kanë ndryshuar. ZMOT përbëhet pra qoftë nga Google qoftë nga rrjetet sociale (me në krye Facebook, por edhe Twitter, Youtube, etj): mjafton të mendosh për të gjithë ato grupe pacientësh në Facebook, në forum, në komunitet, për të mos folur për sitet e përshtypjeve online, "tripadvisor" i dentistëve.
Siti web është me siguri boshti i të gjithë procesit por futja e informacioneve dhe përmbajtjes në sitin apo blogun personal, edhe sipas teknikave më të azhornuara të SEO, nuk është më e mjaftueshme. Nuk mjafton më të shkruash në sitin personal për fasetat dentare, implantet apo maskerinat transparente për t'u gjetur dhe zgjedhur. Është e nevojshme të monitorohen dhe të ruhen të gjithë kanalet në të cilat pacientët e mundshëm mund të kërkojnë klinikën.

Si mund të fitosh në ZMOT?
1. Punëso një përgjegjës: klinika duhet të identifikojë një përgjegjës në gjendje për të seleksionuar, planifikuar dhe menaxhuar përmbajtjen që publikohet në rrjet sipas një strategjie të përcaktuar mirë
2. Zbulo momentet ZERO: klinika duhet të njohë sjelljen online të pacientëve të saj, çfarë dhe si kërkojnë në rrjet
3. Optimizo përmbajtjen tënde: përmbajtja e kufizuar duhet të jetë me cilësi dhe t'i përgjigjet pyetjeve që pacientët bëjnë: "Do të zgjidhë problemin tim?", "Do të më kursejë para/kohë?"
4. Mbro mesazhin tënd me mënyrën e shumë kanalve: përmbajtja duhet të optimizohet për Google, për rrjetet sociale (Facebook së pari por edhe Google+), për konsultim nga çdo pajisje (celulari mbi të gjitha)
5. Mos harroni rëndësinë e fotografive dhe videos: imazhet dhe videot kanë një fuqi të madhe ndikuese dhe janë të dobishëm edhe në kërkim
6. Ji i shpejtë: bëje përpara se ta bëjnë të tjerët!

Nën kujdesin e: Chiara Saracci dhe Roberto Rosso, KEY-STONE network

Përktheu: Valbona Spahia