Fotografimi në laboratorin e teknikut të dhëmbëve. 5 aspektet që duhen marrë në konsideratë

Komunikimi nëpërmjet imazheve dhe mjeteve të reja mediatike është një mundësi që nuk duhet të nënvlerësohet nga tekniku i dhëmbëve. Në të kundërt fotografia duhet të konsiderohet si një mënyrë vërtetë e dobishme në rritjen profesionale, në komunikimin në brendësi të Ekipit të punës dhe për promovimin e aktivitetit në veprimet e marketingut.
Por ku konsiston realizimi i një fotografie të mirë? Cilat janë mënyrat teknologjike që kemi sot në dispozicion? Por mbi të gjitha, për të realizuar një fotografi të mirë në rutinën e përditshme është e nevojshme të bëhesh fotograf ekspert?
Fatmirësisht mund të themi që nuk është e nevojshme, por është e rëndësishme të mësojmë njohuritë teknike të dobishme për të përdorur teknologjitë e reja në favorin tonë.
Për ta bërë fotografinë të praktikueshme në aktivitetin e përditshëm të një laboratori është themelore të evitohet që kjo praktikë të bëhet një problem. Si duhet t'ja bëjmë?

Është shumë e thjeshtë, ekzistojnë sisteme të ndryshme për të optimizuar dokumentacionin fotografik në laborator por këtu, për ta thjeshtësuar, mund ta përmbledhim në 5 rregulla bazë:
1. Punimi protetik është krijim unik, është i kondensuar nga njohuritë, nga eksperienca, nga shkathtësia e duarve dhe nga kapaciteti krijues i teknikut të dhëmbëve. Këto koncepte mund t'i përmbledhim thjesht me dy fjalë: profesionalitet dhe pasion. Imazhi i punës personale duhet të konsiderohet një kartëvizitë e vërtetë. Objekti, me çfarëdo lloj materiali që është punuar, duhet të fotografohet në mënyrë të tillë që të rezultojë saktësisht ashtu siç është realizuar nga tekniku i dhëmbëve. Një element në qeramikë apo një protezë totale janë skulptura të vogla të pasura me detaje të veçanta që nuk duhet të humbasin gjatë riprodhimit fotografik. Një imazh me cilësi të dobët nuk nxjerr në pah cilësinë e punimit dhe mbi të gjitha, penalizon imazhin profesional të profesionistit.
2. Njohja e fotokamerës që përdor është baza për të arritur rezultate të kënaqshme. Aparatet fotografike të kohëve të fundit janë në gjendje të riprodhojnë me saktësi ngjyrat dhe detajet e objekteve. Duhet të mësojmë bazat e fotografisë për të menaxhuar shkrepjen fotografike ashtu siç dëshirojmë.
3. Gjithnjë është thënë që "koha është flori", në realitet është e vërtetë, në ditët e sotme më shumë se kurrë. Optimizmi i kohës që i duhet dedikuar fotografisë është themelor që të mos bëhet vetë fotografia një problem dhe jo një avantazh. Sot është e mundur të krijojmë një kënd fotografik, edhe të vogël, në laboratorin tonë. Në këtë mënyrë është e mundur të reduktohen kohët e organizimit të seteve fotografike dhe të bëhet e riprodhueshme cilësia e imazheve tona, çdo herë që dëshirohet të dokumentohet një punim.
4. Drita është baza e fotografisë, mësimi i shpërndarjes së një ndriçimi të saktë është themelor. Sot ekzistojnë teknika të ndryshme për të ndriçuar objektin me saktësi, nga sistemet e blicit deri te burimet e vazhdueshme të dritës, ka produkte të përshtatshme sipas kërkesave personale. Është e rëndësishme të kuptojmë sesi të shpërndajmë burimet e dritës, në bazë të asaj që duam të nxjerrim në pah, në objektin tonë. Një imazh i nënekspozuar, domethënë pak i ndriçuar, mund të penalizojë cilësinë e punës sonë, duke e bërë të vështirë perceptimin viziv të detajeve dhe ngjyrave të punimit protetik.
5. Objekti duhet të vihet në dukje duke përdorur sfonde të përshtatshme me tipologjinë e materialit të përdorur për punimin protetik. Sfondi, sipas ngjyrës dhe strukturës së punimit mund të përqendrojë ose jo vëmendjen e vëzhguesit mbi vetë objektin. Përveç kësaj një zgjidhje e përshtatshme e sfondit mund t'i japë imazhit tonë një aspekt elegant dhe më të kënaqshëm për t'u parë.

Ndryshe nga një dekadë më parë, sot, komunikimi i profesionalitetit tonë është shumë më i thjeshtë dhe i menjëhershëm. Mjafton të njihen teknikat dhe fotografitë tona mund të përmirësojnë imazhin tonë profesional.

Nën kujdesin e: Alessandro Tiraboschi, referues i projektit (Canon Digital Photo Dental Education)

Në vijim janë disa shembuj të fotografisë së teknikëve të dhëmbëve: