Objektivat e biznesit të një klinike dentare. Ja cilat janë fazat për t'i përkufizuar

Është për t'u habitur sesi dentistët, që janë mësuar të vendosin objektiva për t'u kujdesur për pacientët e tyre, janë të çorientuar përballë përkufizimit të objektivave të tyre të biznesit.
Çdo herë që thërriten për të gjetur një ose më shumë zgjidhje për të trajtuar pacientin, e dinë shumë mirë se cilat janë kriteret e objektivave që duhet të kenë parasysh.

POZITIV DHE SPECIFIK: Dentistët synojnë shëndetin dhe jo lehtësimin nga simptoma. Parashikojnë shërbime të sakta për çdo dhëmb ose ind, parashikojnë sekuencën kur duhet t'i kryejnë, kërkojnë preçizionin maksimal të mundshëm për çdo shërbim, zgjedhin cilësinë e materialit dhe të instrumenteve të nevojshme për të arritur objektivin e tyre të kujdesit dhe e përfundojnë në një kohë të përcaktuar.

I MATSHËM: Dentistët matin gjithçka që është e mundur, për të vendosur "shkencërisht" arritjen e objektivit terapeutik. Janë në përputhje me udhëzimet dhe ndjekin protokolle terapeutike të vendosur nga shoqëritë shkencore. Fotografi, radiografi, harta, hetime, dokumentojnë gjithçka në fillim të trajtimit dhe matin me përpikëri objektivat e arritur.

TË KËNAQSHËM DHE TË RËNDËSISHËM: Kënaqësia vjen nga rrjedha e trajtimit të vendosur me pacientin dhe nga balancimi i kujdesshëm i kostove dhe përfitimeve që priten. Vjen gjithashtu nga niveli i kompleksitetit që arrin të zgjidhë dhe nga kënaqësia e shprehur nga pacienti në fund të trajtimit. Çdo pacient është i rëndësishëm, aq sa planifikimi për të strukturuar plane trajtimi është i njëjtë, qoftë nëse flitet për raste me një nivel të ulët kompleksiteti, qoftë nëse flitet për një nivel të lartë kompleksiteti.

PËRKOHËSISHT I PËRCAKTUAR: Çdo plan trajtimi ka një fillim, faza, sekuenca terapeutike dhe një fund, që ndjek një plan monitorimi për të verifikuar qëndrueshmërinë e rezultatit të arritur dhe mbajtjen e trajtimit të pacientit.
Profesionistë të ndryshëm të habisin me preçizionin dhe nivelin e profesionalitetit me të cilin përballojnë çdo rast.
Në të njëjtën mënyrë, përballojnë formimin e tyre profesional: identifikojnë fushat që kanë me pasion, identifikojnë rrugën e tyre formuese post diplomim dhe vazhdojnë me këmbëngulje dhe me investime të rëndësishme objektivin e tyre personal të formimit.

Ndërsa kur bëhet fjalë për objektivat e biznesit.... vihen në dukje shumë më pak nga efikasiteti dhe eficenca e tyre. Edhe pse kriteret e objektivave të biznesit janë të njëjtë me kriteret dhe objektivat e trajtimin, punojnë shumë për të përkthyer konceptet dhe metodën për t'i arritur. Disa kërkojnë ndihmë, sepse e kuptojnë që kanë perceptuar problemin por nuk kanë mundur ta identifikojnë me saktësi, të tjerë "shkarkojnë" në sistemin e klinikës problemin e mungesës së objektivave të qarta, duke pretenduar që të zgjidhen, pa dhënë indikacione të sakta, pa saktësuar kufizimet brenda të cilave duhet vepruar, pa dhënë burimet, mjetet ose mënyrat e reja për të përballuar ndryshimin e nevojshëm.
Profesionisti ideal për të patur një ndihmë në përkufizimin e objektivave të veta është trajner, që posedon dijet, aftësitë dhe teknikat e coaching (trajnimit) të nevojshme për të mbështetur në këtë proces delikat dhe themelor.

3 janë fazat e nevojshme për të identifikuar objektivat:
Faza e parë është një takim në të cilin trajneri, i barabartë me dentistin në vizitën e parë, grumbullon sa më shumë informacione të jetë e mundur mbi situatën, një farë "anamneze familjare" për të identifikuar situatat e trashëguara, (personeli ndihmues ose bashkëpunëtorët, sjelljet ose vlerat), situatat kontagioze (zakone të këqija, procese të koklavitura, organizim pak i strukturuar) dhe situatat e normalitetit (drejtuesit e perceptuar, drejtuesit e vënë në zbatim, vlera të pa shpërndara, detyra dhe punë pak të qarta). Më pas vijon një farë "Anamneze fiziologjike", gjendja aktuale e gjërave, evoluimi dhe dinamikat e tyre, arsyet që e kanë sjellë klinikën në gjendjen që është sot dhe mbyllet me një farë "anamneze patologjike shumë të largët" e ngjarjeve të sëmundjes, (probleme dhe kufizime që kanë kushtëzuar klinikën që nga origjina ose që kanë kushtëzuar zhvillimin) që vazhdojnë ende ose që janë kaluar.

Faza e dytë është përpunimi që trajneri i bën informacioneve të grumbulluara. Ashtu si klinika në fjalë, trajneri si dentist, përqendrohet në vënien e rendit të informacioneve. Mbështet dentistin në përkufizimin e objektivit të biznesit, përcakton me saktësi gjendjen e nisjes, identifikon opsionet e mundshme, treguesin e prioritetit të veprimeve, kufizime të mundshme ekzistuese dhe bën të mundur që dentisti të përkufizojë objektivin e biznesit dhe imagjinon një plan veprimi.

Faza e tretë është një takim verifikimi, rreth një muaj pas takimit të parë, në të cilin testohet qëndrueshmëria e objektivit të identifikuar, verifikohet prioriteti i veprimeve të vëna në veprim dhe maten sesa veprime janë ndërmarrë për të kuptuar nëse dentisti është në gjendje të procedojë i vetëm në planin strategjik të imagjinuar ose nëse ka nevojë për një mbështetje.

Trajnimi është një aftësi që krijon kushtet ideale për ndryshimin, liron potencialin e personit, ndihmon për të identifikuar rrugën e instrumenteve dhe mënyrat e nevojshme për të vazhduar nga statusi aktual në statusin e dëshiruar. Pasi janë qartësuar objektivat e biznesit mund të lindë nevoja për të pasur instrumente dhe mënyra, por këto janë fusha të konsulencës së kompanisë.

Duke pasur objektivat e biznesit të qarta, do të thotë të kesh një objektiv të saktë për të goditur, do të thotë të projektosh veprimet, të disponosh instrumentet e analizave dhe kontrollit, është e nevojshme t'i ndjekësh me këmbëngulje, të analizosh rezultatet dhe devijimet për të optimizuar përpjekjet dhe për të maksimizuar rezultatet. Njëzet vjet më parë, nuk ishte kaq e nevojshme të vendoseshin objektivat vjetor të biznesit, as që të kishim instrumente të ndryshme menaxhimi. Klinikat dentare hapeshin, profesionistët investonin, bankat jepnin kredi më me thjeshtësi, pacientët kuroheshin më rregullisht dhe pagonin me përpikëri më të madhe. Faturat e papaguara lidheshin më shumë me menaxhimin e keq të kreditit sesa me pacientët që nuk paguanin. Sot kufijtë janë të ndryshëm, kompleksiteti i menaxhimit është rritur, pacientët janë në vështirësi ekonomike dhe shërben një vëmendje e ndryshme, qoftë nga pikëpamja ekonomike qoftë nga pikëpamja profesionale. Objektivat e biznesit të qartë dhe të përcaktuar, një sistem i organizuar dhe një kontroll menaxhimi efikas lejojnë profesionistin që të përqendrohet mbi aktivitetin klinik duke ditur që gjithçka është nën kontroll dhe evitohen humbjet nga mosorganizimi.

Nën kujdesin e: Roberta Pegoraro, konsulente ndërmarrjes

Përktheu: Valbona Spahia