Në Rio janë të pakta medaljet e arit në shëndet. ASD ka vlerësuar atë të atletëve në garë

Me ceremoninë e mbylljes së Paraolimpiadave është ulur edhe sipari i Lojërave të Rio 2016. Një edicion që sipas shumë vëzhguesve ka identifikuar shumë pika të forta, veçanërisht shëndeti oral duke parë që shumë atletë që kanë marrë pjesë në lojëra paraqisnin probleme të rëndësishme dentare.
Ai që e ka denoncuar ishte Richard Knowlton përgjegjës i ASD (Academy for Sport Dentistry) që në SH.B.A numëron 600 specialistë në traumatologjinë dentare të sportit.
Gjatë lojërave olimpike të Rios, dr. Knowlton ka koordinuar ekipin e vullnetarëve të ASD që kanë trajtuar më shumë se 350 atletë.

Traumat më të shpeshta janë verifikuar në baketball, baseball dhe soft-ball, sporti ku është i detyrueshëm përdorimi i një bite mbrojtës.
"Shumë atletë e neglizhojnë shëndetin e tyre sidomos atë oral. Disa kanë të paktën 4 vjet stërvitje me 50 -70 orë në javë, duke kryer një jetë shumë spartane" - ka thënë eksperti.
Të dhënat epidemiologjike të Rios janë në linjë me ato të Londrës në 2012 ku 55% e atletëve paraqisnin më shumë se një karies dhe gjysma nuk kryente një kontroll dentar dhe një vizitë të higjienës së gojës prej më shumë se 1 viti.

Shumë të përhapura janë infeksionet aktive si absceset dhe sëmundja parodontale.
Dy rekomandime që dr. Knowlton jep për atletët dhe trajnerët e ekipeve të të gjitha kombeve janë:
1) Kur një disiplinë ngjitet në podium me një diferencë në të qintën e sekondat, të garosh me parodontitin aktiv apo me një absces dentar është si të garosh me të ftohurën, organizmi nuk mund të japë 100% dhe goja e shëndetshme mund të bëjë diferencën.
2) Shumë atletë përdorin bite mbrojtës joefikas. Në fakt janë shumë të përhapur një mbrojtës i tipit "boil and bite", që shpesh nuk është në gjendje t'i mbrojë nga traumat sportive.

Nën kujdesin e: Davis Cusotto, stomatolog

Përktheu: Valbona Spahia