Të dëgjosh pacientin por mos të influencohesh nga udhëzimet e tij. 3 gjërat që duhet të bëni për të arritur në një diagnozë të saktë

Një mëngjes i furishëm pune. Bashkëpunëtorja ime në moshë të re, në mënyrë konservative më thotë: "Mendoj se problemi i z. Rossi, urgjenca që sapo ka ardhur, është te 16-ta. Ma tregon me gisht dhe kërkon që ta heqë menjëherë sepse nuk dëshiron që të kalojë dhe një natë tjetër pa gjumë. Por nga radiografia nuk arrij të shikoj asgjë të parregullt përveç një mbushjeje okluzale, shumë e gjerë dhe me test perkusioni është pozitive. T'i propozoj endodoncinë?"

Vendos ta shikoj me sytë e mi dhe ta vizitoj pacientin. Edhe mua Rossi më tregon "diagnozën e tij". Pas një ekzaminimi të kujdesshëm objektiv vërej një hije mesiale e 15, që në skaje ka një amalgamë në kushte të mira. Rx e kryer, merr vetëm porcionin distal të 15, prandaj pas bite-wing bëjmë diagnozën e kariesit penetrues të këtij elementi.
"Mos i beso kurrë pacientit", është këshilla që doktoresha Lisa Knowles, jep nëpërmjet Blogut të saj.

Kur pacienti vjen me dhimbje akute, thotë, është e lehtë të përfshihesh nga gjendja emocionale. Kërkojmë që menjëherë ta bëjmë të ndihet rehat dhe mund t'i dorëzohemi lutjeve duke u fokusuar tek "ankesat" duke lënë pas dore procedurat korrekte të diagnostikimit.

Pak ditë më parë Maria 80 vjeç me një demencë në fillime, vjen në klinikë duke thënë se kishte një dhëmb të thyer në kuadratin e katërt. Në inspektim e vetmja "patologji" që vihet re është një amalgamë e ashpër te 46, në të cilën pacientja vazhdimisht çon gjuhën. Lëmoj mbushjen dhe e pyes "si shkon?".

"Shumë më mirë, përgjigjet, por mendoj se është thyer një dhëmb!"
Reflektoj se si demenca mund të ndryshojë një person por njëkohësisht perceptoj nga toni i zërit hezitues kërkesën për ndihmë të pazgjidhur nga bashkëpunëtorja ime. Filloj të kaloj fillin dentar midis elementeve të kuadratit të katërt, duke hequr grumbullimet e pllakës bakteriale. Shfaqet një mbetje e vogël ushqimore e ngecur midis premolarëve. I besoj pacienten higjienistit dhe me përfundimin e trajtimit duke më shtrënguar dorën më falenderon "që i hoqa dhëmbin e thyer".

Mund të themi se për pacientin "nuk është e mundur të perceptojë dhëmbin e duhur në momentin e duhur" dhe Lisa Knowles tregon tre gjëra që duhen bërë për të arritur në diagnozën e saktë:

1) Verifiko personalisht diagnozën e propozuar nga të tjerë

2) Dëgjo gjithmonë pacientin dhe mos lejo të influencohesh vetëm nga ajo që ai thotë por vëzhgo edhe mimikën, posturën dhe tonin e zërit. Ndonjëherë mund të ndihmojë pozicioni i këmbëve në poltron.

3) Ji gjithmonë i hapur ndaj mundësive të reja dhe mos qëndro asnjëherë absolut në pozicionet e tua.

Nën kujdesin e: Davis Cussotto, stomatolog Twitter @DavisCussotto