Projekti EASY Test, përfundon faza e parë e eksperimentimit në testin e pështymës. Polizzi (San Raffaele), udhëzime shumë të mira për parandalimin e hepatitit C

Të aktivizosh sjelljet e duhura parandaluese me qëllimin e shëndetit në kushte të ndryshme jetese falë fushatave të sensibilizimit bëhet një moment diskutimi konkret dhe edukativ mbi mënyrat e transmetimit të sëmundjeve virale më të zakonshme si virusi i HCV.

Projekti EASY Test ka si objektiv pikërisht që të edukojë dhe sensibilizojë pacientët edhe nëpërmjet stomatologëve dhe higjenistëve dentar të formuar në mënyrë adekuate për të përdorur një test, që mund të identifikojë pacientët e prekur nga HCV - ja. Projekti ka si qëllim që të kryejnë një aktivitet informues për të stimuluar një sjellje korrekte të higjienës, të quajtur si burimi primar i kurës së vetvetes dhe vetë trupit nga momenti që sjelljet e shëndetshme në mënyrën e jetesës, janë hapi i parë për të ruajtur shëndetin tonë, duke promovuar kështu parandalimin e sëmundjes.

Projekti është zhvilluar me bashkëpunimin në kërkim midis departamentit të Sëmundjeve Infektive (Drejtor prof. Lazzarin) dhe Departamentit të Stomatologjisë (Drejtor prof. Gherlone) dhe është zhvilluar në brendësi të Qendrës së Higjienës Orale dhe Parandalimit në zgavrën e gojës (Përgjegjëse Doktoresha Polizzi) promovuar nga IRCCS Spitali San Raffaele Grupi Spitalor San Donato dhe mbështetur nga Anlaids, EpaC dhe ASL Milano.
EASY Test është një test i shpejtë i pështymës për të identifikuar antitrupat specifikë të viruseve HCV që i lejon pacientëve që të marrin një përgjigje brenda pak minutave nga marrja e mostrës së pështymës.
Testi i pështymës zbulon brenda 20 minutave antitrupa të pranishëm në pështymë.

"Diagnoza është thelbësore për të identifikuar ndonjë pacient me risk për infeksion, sipas stilit të jetesës dhe për të promovuar parandalimin", shpjegon për Odontoiatria33 doktoresha Elisabetta Polizzi.
Objektivi i përbashkët është që të kujdesemi për individin që në fazën e sensibilizimit dhe edukimit, duke vepruar për fazën e identifikimit të përgjigjes imunitare në rastin pozitiv, falë edhe bashkëpunimit të ngushtë me Qendrën e Sëmundjeve Infektive dhe kujdestarit të pacientit për të siguruar një transit "fast track" për konfirmimin e diagnozës nëpërmjet marrjes së mostrës së gjakut.

"Kura e shëndetit - vazhdon doktoresha Polizzi - në përgjithësi përfshin në mënyrë të pashmangshme rritjen e vetëvlerësimit, zhvillimit social dhe komunikimit pozitiv të emocioneve.
Të aktivizosh sjellje parandaluese adekuate me përfitim për shëndetin në kushte të ndryshme jetese falë fushatave sensibilizuese bëhet një moment konkret diskutimi dhe edukativ mbi mënyrat e transmetimit të sëmundjeve më të zakonshme virale si virusi i HCV".
Një informacion korrekt dhe i hershëm është në bazë të një veprimi të synuar dhe më efikas kundër infeksionit nga virusi i hepatitit C (HCV).

"Në një moment në të cilin kemi barna efikase për të gjithë pacientët, lind nevoja për të shtuar ndërgjegjësimin ndaj patologjisë dhe ndaj nevojës për imazheri".
Informacioni i nevojshëm duke parë se 2 italianë në 3 pranojnë një njohje të dobët dhe jo të duhur të hepatitit C, një infeksion për të cilin nuk perceptojnë përhapjen (vetëm 26% mendon se personat e prekur janë rreth 1 milion) dhe krahasuar me këtë 91% nuk di që shfaqet pa simptoma të dukshme.
Megjithatë 88% e popullsisë mendon se hepatiti C mund të prekë vetëm disa kategori personash.
Projekti ka lejuar, nga 13 prilli 2015 deri në 13 nëntor 2015, kryerjen e EASY Test në një numër pacientësh, të informuar në mënyrën e duhur dhe vullnetarë, që vizitoheshin në repartin e stomatologjisë në San Raffaele në Milano, janë informuar për sa i përket infeksionit nga HCV dhe iu ofrua mundësia për të kryer EASY TEST.
Në total ishin 2.097 vullnetarë të pranueshëm që kanë kryer testin HCV të pështymës dhe kanë kompletuar intervistën.

Në 22 raste, testi ka dëshmuar reaktivitet pozitiv.
21 individë në 22 raste (rreth 1% e kampionit të vlerësuar) ishte në dijeni se ishte i prekur nga HCV dhe testi ka konfirmuar statusin tyre (reaktivitet pozitiv) në të gjithë 21 rastet (pa pozitiv fals).
1 individ është identifikuar si një rast i ri i prekur nga HCV.
Pas marrjes së lejes për trajtimin e të dhënave personale pacientët janë ftuar të japin motivin e refuzimit, nëpërmjet një pyetje të hapur. 1.426 individë kanë pranuar për të plotësuar pyetësorin anonim rreth nivelit të kënaqësisë së kësaj iniciative.
1.388 pyetësorë kanë rezultuar të papërdorshëm dhe jo të plotë, ndërsa të tjerët janë zhvlerësuar për shkak të mungesës së përgjigjeve.

Të dhënat e nxjerra nga 1.388 pyetësorë të vlefshëm janë përdorur për të përshkruar imazhin e popullsisë që i është përgjigjur iniciativës së Easy test.
Popullsia dominohet nga qytetarë italianë (96%), me shpërndarje gjinie homogjene (45% meshkuj dhe 55% femra), mosha > se 50 vjeç (44%), me një nivel të mesëm - të lartë formimi (nivel i lartë formimi 44%, 33% të diplomuar, 13% tituj post diplomim) dhe 81% me një pozicion profesional të qëndrueshëm (8% drejtues; 15% punonjës autonomë; 25% të punësuar; 14% me profesione të tjera; 16% pensionistë; 3% punëtorë).
65% e individëve (905 individë nga 1388, 45% meshkuj dhe 55% femra) janë përgjigjur se nuk i ishin nënshtruar kurrë testit për HCV.

Pjesa më e madhe e individëve ishte më shumë se 40 vjeç: 423 individë (31% e gjithë kampionit) një moshë > 50 vjeç dhe 182 individë (13% e të gjithë kampionit) përfshirë midis 41 - 50 vjeç. Ky rezultat është mundësisht prej faktit se testet për HCV nuk janë përshkruar kurrë gjatë kontrolleve të shtatzënisë ose në mjekësinë e punës, deri pak vite më parë.
Ndër individët më të rinj numri i pacientëve që nuk janë testuar kurrë për HCV kanë tendencën që gradualisht të pakësohen dhe vetëm 46 individë (3% e të gjithë kampionit) - ndër individët me moshë 26-30 vjeç - nuk ishin testuar kurrë për HCV.

Megjithatë, duke konsideruar nëngrupin e adoleshentëve dhe të rinjve (18-25 vjeç), 71% e tyre (134 nga 187 të rinj të rritur) nuk ishin testuar kurrë për HCV.
Pas një infeksioni akut, hepatiti C kronik verifikohet në 54-86% të individëve.
Pas kronicitetit, progresioni i hepatokarcinomës është më i shpejtë tek individët me aspektet e mëposhtme: meshkuj > se 50 vjeç, alkool > 50 gr/gg; diabeti dhe infeksioni nga HIV.
Në këtë studim Easy test është kryer nëpërmjet lëngut oral. "Përdorimi i lëngut oral - vazhdon doktoresha Polizzi - është një alternativë tërheqëse e bazuar në faktin se marrja e kampioneve të plazmës ose sieros kërkon pajisje dhe formim gjithashtu dhe më shumë kohë. Megjithatë pacientët shfaqen më të gatshëm për të kryer testin".

Pavarësisht fushatave të parandalimit dhe të informimit rreth rëndësisë së diagnozës së hershme që duhet të jetë më mirë e kryer nga persona me një nivel të duhur formimi, është akoma një përqindje domethënëse e personave të formuar shumë mirë që akoma edhe sot nuk e kanë kryer asnjëherë testin e hepatitit C.
Një aspekt që s'duhet lënë pas dore, shpjegon Polizzi është trajtimi i pacientëve pozitiv që mbyllet në orët e fundit të ditës së punës - një praktikë shumë diskriminuese që është në mënyrë të vështirë e pajtueshme me konceptin e "humanizimit" të kurës.

"Tradicionalisht pacientët me infeksion nga HCV janë "diskriminuar" nga dentistët, mbi të gjitha mjekë privatë; subjekt kurash vetëm në orare ose ditë të caktuara, të organizuara posaçërisht për të shmangur afërsinë e tyre me individët e shëndetshëm ose për të shmangur kontaminimin e mundshëm".
Projekti ka shërbyer edhe për të promovuar ndërgjegjësimin e sëmundjes midis individëve të shëndetshëm dhe ka kontribuar në luftimin e tabuve ekzistuese.

"Pacientët stomatologjikë - përfundon Polizzi - falë këtij projekti kanë përftuar njohuri të reja rreth zinxhirëve të mundshëm të përhapjes, për sa i përket sigurisë së studimeve stomatologjike dhe përfitojnë nga mundësia e mëtejshme për t'iu nënshtruar diagnozave të hershme të HCV.
Nga këto hamendësime është projektuar vazhdimi i iniciativës që është në zbatim që nga 6 korriku me objektivin për të shtrirë projektin edhe në reparte të tjera të emergjencës ku janë në fuqi nivelet minimale të asistencës falas, parashikuar nga Shërbimi shëndetësor kombëtar për kurat stomatologjike.
Presim kështu të përballemi me një popullsi të ndryshme nga ajo e atyre që paguajnë detyrimet, me përbërës nga origjina të ndryshme socio-ekonomike, kombëtare dhe kulturore".

Përktheu: Erjola Taga