Të krijoni një eksperiencë emocionale "WOW" për pacientin tuaj. Ja 6 rregullat e ekspertit amerikan

Pacientët janë burimi më i madh i klinikës dentare. Sot të fitosh klientë të rinj është shumë sfiduese dhe jo vetëm për konkurrencën e madhe dhe marketingun e egër të Zinxhirëve dentar.
Fokusimi i vëmendjes tek ata që tashmë kemi, është zgjedhja fitimtare.
Pacientët në kurim mund të bëhen arkitektët e përhapjes së fjalës, siç na mëson Erika Leonardi, vetëm nëse shërbimi që përftojnë është më i lartë se pritshmëritë e tyre.
Të gjithë sot e marrin të mirëqenë që dentisti duhet të dijë të kurojë parodontitin, të jetë i disponueshëm, të zgjidhë një emergjencë dhe që të sterilizojë instrumentet në autoklavë.
Kompetencat klinike dhe organizative janë baza nga e cila fillon por për të krijuar një "eksperiencë emocionale" me pacientin nevojitet të shkoni përtej, deri sa të bëhet një arkitekt "apostull" i përhapjes së fjalës.

Ja 6 gjërat që absolutisht duhen bërë për Minal Sampat, konsulente e Growth Management Marketing në New York:
1. Përshtypja e parë. Pacienti kur futet në klinikë duhet të ndjehet rehat. Dizajni i sallës së pritjes duhet të ngjallë eksperienca pozitive: i pastër, i parfumosur, i ndriçuar, esencial, i rehatshëm, teknologjik. Eksperienca dhe ndjesi që të çojnë në figurën e dentistit.
2. Përpikmëria. Reflekto mbi këtë: nëse të bezdis të të lënë në pritje, mendo që pacienti është njëlloj si ti; koha është e shenjtë për të gjithë. Ndonjëherë është e pashmangshme të jesh me vonesë me tabelën e orareve. Nëse ndodh kërko ndjesë, kështu percepton vlerësimin që skuadra ka kundrejt jush. Menaxho më pas situatën me qetësi dhe i çliruar. Këto dy gjëra mund të transformojnë një koment potencialisht negativ në një eksperiencë të paharrueshme.
3. Shpjego trajtimet që po kryen. Për të bërë që pacienti të ndjehet rehat dhe t'i mundësoni një trajtim të jashtëzakonshëm që të ketë të përfshira mirë kurat që po kryen. Vendosni kohën e nevojshme për të dëgjuar dhe folur me të. Ilustroni teknologjinë që po përdorni apo tregoni fotot e gojës së tij të shkrepura me një video kamera intraorale që janë dy instrumente për "habi dhe besnikëri".
4. Forca e buzëqeshjes. Pacientët ndërveprojnë me të gjithë ekipin; skuadra jote është imazhi i vetë klinikës. Reflekto mbi këtë: je i kënaqur se si skuadra të përfaqëson?
Në mënyrë që sekretaria të presë pacientin më një buzëqeshje të ngrohtë nevojitet që të ketë harmoni në grup që kultivohet me buzëqeshje të tjera dhe një qëndrim pozitiv.
5. Urimet. Bëj të ndihet special pacientin tënd: ditëlindje, përvjetorë, festa e nënës, diplomime, janë raste për të treguar vlerësimin kundrejt pacientëve. Shpërndaj fotot e festimeve që poston në rrjetet sociale nëpër platforma dixhitale të klinikës dentare.
6. Komunikimi. Para një trajtimi të rëndësishëm, shumë pacientë janë të preokupuar për shqetësimet e mundshme gjatë dhe pas terapisë. Shpjego me saktësi ndërhyrjet që do të realizosh dhe thirre ditën e nesërme për t'u informuar se si është.

Nën kujdesin e: Davis Cussotto, stomatolog Twitter @DavisCussotto

Përktheu: Erjola Taga