Një studim italian nxjerr në pah lidhjen midis lindjes së parakohshme, refluksit gastro-ezofageal neonatal dhe ndryshimeve dentare në moshën pediatrike

Bashkimi i disa figurave të ndryshme të shëndetësisë ka lejuar që të kuptohen lidhjet midis shfaqjeve patologjike që shpesh janë të vështira për t'u lidhur njëra me tjetrën. Siç është rasti i studimit italian që ka nxjerrë në pah lidhjen midis pacientëve që kanë lindur përpara kohe dhe fillimit të ndryshimeve gastro-ezofageale që reflektohet në shëndetin oral.

Një studim ka ecur përpara nga Universiteti i Aquila-s nga ekipi i prof. Roberto Gatto, president i Dental School dhe president i Shoqatës së Dentistëve Italianë, me pjesëmarrjes edhe të doktoreshë Silvia Caruso që ka kryer një pjesë të fazave eksperimentale. Grupit të Aquila-s i është bashkuar ekipi i kërkimit të Tecnological Research Institute i Crotone, i përfaqësuar nga prof. Massimo Marrelli dhe nga prof. Marco Tatullo. Kërkimi është publikuar në numrin e fundit të revistës ndërkombëtare "Journal of Biomedicine" me titullin "Preterm birth and breastfeeding are related to gastroesophageal reflux ofset: an observational cross-sectional study": në të tillë kërkim është treguar si G.E.R (Refluksi Gastro-Ezofageal) i parakohshëm ka një lidhje, statistikisht të pavarur, kryesisht me lindjet përpara kohe por në masë më të vogël edhe me ushqyerjen me gji, të ashtuquajtur "breastfeeding".
Refleksi gastro-ezofageal ka një efekt shumë agresiv në mjedisin intraoral, që do të rezultojë më së shumti acid sepse është më pak i aftë të kompensojë me veprimin zbutës të pështymës pjesën më të madhe të aciditetit që i intereson këtyre pacientëve: një mjedis i tillë acid do të reflektohet qoftë në strukturat dentare, që do të jenë më të predispozuara ndaj sulmeve të baktereve acidofile dhe kariogjene, qoftë mbi përbërjen e përgjithshme të florës bakteriale intraorale që do të ndryshojë në mënyrë kalimtare por të rëndësishme.

Me të tilla premisa, është e rëndësishme që neonatologu, pediatri dhe stomatologu pedodontist të aktivizojnë një sinergji virtuoze që synon menaxhimin multidisiplinor të pacientëve të vegjël që lindin përpara kohe. Në punën kërkimore është theksuar koncepti i bashkëpunimit interdisiplinor, por është lançuar edhe një mesazh për uljen e moshës së "vizitës së parë stomatologjike", veçanërisht te fëmijët e lindur përpara kohe ose te fëmijët që ushqehen me qumësht gjiri për një kohë të gjatë.

Studimi vendos bazat për një menaxhim më të mirë dhe më të ndërgjegjshëm të patologjisë sistemike duke parandaluar fillimin e hershëm të patologjive orale, me përfitime te pacientët e vegjël dhe të shpenzimit shëndetësor kombëtar.

Për të lexuar më shumë rreth këtij argumenti klikoni këtu.

Përktheu: Valbona Spahia