Besnikëria e pacientit kalon dhe nga një "koherencë në stilin" e komunikimit. Ja tre gjërat që duhen bërë

Licenca e klinikës, bileta e hyrjes, printimi i preventivit ashtu si dhe siti ueb janë instrumentet e komunikimit, pjesë e një "familjeje" që identifikon markën e dentistit.
Koherenca në stil, përmbajtja dhe shkrimi sigurojnë pacientin që për herë të parë vjen në klinikë dhe ndihmojnë në besnikëri.

Stili grafik duhet të jetë i veçantë dhe koherent. Dokumentet e hedhur aty këtu sepse janë projektuar në epoka të ndryshme nga persona të ndryshëm, ngjallin konfuzion dhe mos organizim dhe kjo nuk është në dobi për suksesin e klinikës.
Koherenca në komunikim, e ilustruar nga Cristina Mariani në shkrimin "Preventivi në klinikën dentare", merr një vlerë më të madhe kur futemi në ueb.
Të arrish një pozicionim (renditje) të mirë për zonën, në ueb do të thotë të përmirësosh shikueshmërinë tënde dhe të njihesh nga pacientë potencialë.

Ka shumë mënyra për ta bërë këtë gjë. Koherenca realizohet me përmbajte të punuara mirë dhe të përditësuara për tu publikuar në sitet ueb, qendra kryesore e komunikimit dhe një konkluzion i rrjeteve sociale. Kjo përmirëson renditjen organike (jo me pagesë) në motorët e kërkimit. Pacienti potencial do të vërë re më lehtësisht profesionistin ndër dentistët e zonës kur do të kryejë kërkimin online.

Meagan McGUire eksperte e komunikimit në ueb, shpjegon në blog-un e saj 3 gjërat që duhen bërë për të përmirësuar koherencën e komunikimit në ueb:
1) Çdo faqe që publikon në ueb duhet të nxjerrë mirë në pah NAP (emër, adresë dhe telefon) ky është elementi më i rëndësishëm për tu identifikuar sa më thjeshtë nga pacienti.
2) Nëse zotëron një logo ose një slogan, sigurohu që të shfaqet pranë NAP.
3) Kur regjistrohesh në një portal apo në një rrjet social plotëso me kujdes te gjitha informacionet e nevojshme për të identifikuar aktivitetin tënd, duke përdorur të njëjtët tekste përshkruese dhe të njëjtat imazhe, sigurisht të përzgjedhura me shumë kujdes.
Motorët e kërkimit mund të interpretojnë citime të ndryshme dhe jo koherente që i përkasin studimeve të ndryshme dentare duke mos dhënë kështu rezultatin e duhur ndaj pozicionimit organik.

Nën kujdesin e: Davis Cussotto, Stomatolog Twitter @DavisCussotto

Përktheu: Erjola Taga