Dentisti gjithmonë e më shumë i stresuar, si të njohim patologjinë dhe si ta kurojmë atë. Këshillat nga Stress Management Trainer

Janë të shumta statistikat që tregojnë se dentisti është ndër profesionet që i nënshtrohen më shumë stresit dhe dëmeve që ky i shkakton shëndetit. Një afirmim që biem dakord: orë të gjata ulur në një pozicion të parehatshëm, punojmë në sferën e intimes së një pacienti që ka pritshmëri të larta rezultati në një kohë gjithmonë e më të shkurtër. Nëse kësaj i shtojmë aktivitetin e menaxhimit të klinikës dentare, raportin me personelin, bashkëpunëtorët, faktorët, përzierja është sigurisht shpërthyese.

Ros Edlin, Stress Management Trainer nga Manchester (UK), inkuadron shumë mirë problemin dhe në blog-un e tij evidenton dy shkaqe të stresit për profesionistin dentar:
1) Humbja e kontrollit. Funksionojmë më mirë kur kemi kontrollin e asaj që po bëjmë, pra kur ndjehemi të përgjegjshëm për sukseset tona apo dështimet. Ky përfshin edhe përgjegjësinë e mirëqenies së pacientit dhe të personelit në klinikën tonë. Siç ndodh shpesh, burokracia mund të dëmtojë sensin tonë të kontrollit dhe të çojë në stres që lidhet me punën.
2) Humbja e motivimit. Kemi nevojë për objektiva dhe për sfida të mëdha apo të vogla për të ecur përpara çdo ditë dhe për t'u ndier të realizuar. Por duhet të jemi të vetëdijshëm që të kesh objektiva jorealiste dhe të pakapshme për "ligjin e rendimenteve në rënie", çon në mënyrë të pashmangshme drejt stresit nga puna. Siç tregon një studim i kohëve të fundit i kryer te studentët Australianë të stomatologjisë: tendenca drejt perfeksionimit është një sjellje që mund të ketë pasoja negative.

Mësojmë të njohim shenjat e shqetësimit si një semafor që rregullon jetën tonë:
a) Jeshile: Kam një skuadër të madhe. Pacientët më vlerësojnë dhe puna vijon rregullisht. Jeta sociale dhe emocionale është përmbushëse dhe dielli shkëlqen.
b) E verdhë: Një asistente lë punën, kjo gjeneron detyra shtesë për pjesën tjetër të personelit. I ulur pranë pacientit me shiritin e hapur përpiqem të izoloj nervin alveolar inferior për të futur një implant, por nuk jam i përqendruar. Ndjehem sikur më mungon krahu i djathtë. Në darkë në shtëpi gota e verës që konsumoja bëhet dy dhe më pas tre. Nuk arrij të pushoj dhe irritohem shpejt. Marrëdhëniet në skuadër bëhen më thumbuese ashtu si dhe ato emocionale. Nuk arrij të kontrolloj gjithçka, lind një mosmarrëveshje me një pacient.
c) E kuqe: Sindroma e burnout është një pasojë e mundshme. Shfaqet me një humbje progresive të entuziazmit për punën, vonesa vendimtare, irritim, lodhje fizike dhe mendore. Ndjesi depresioni deri sa arrin në një farë "humbje personaliteti". Një shënim pozitiv: shenjat e bornout mund të përdoren si katalizatorë të një ndryshimi që mund të çojnë në një përmirësim të cilësisë së jetës.

Ndryshimi bazohet në dy shtylla:
1°) Prano që ka një problem, kërko ndihmën e ekipit për ta evidentuar dhe merr përgjegjësinë për ta zgjidhur. Kërko asistente të re, krijo një protokoll parandalimi të debateve.
2°) Riorganizo kohën për një fiziologji "dekompresuese" nga puna. Ndaje jetën profesionale nga ajo sociale, emocionale dhe private. Prefero shoqërinë e atij që di të dëgjojë pa gjykuar.

Gjashtë veprime konkrete që duhet të keni parasysh në "kohën e jetës" që keni rimarrë:
1) Programo një pushim nga puna, ha diçka të vogël jashtë zyrës, një shëtitje të shkurtër apo dëgjo një pjesë muzikore.
2) Ndiq me rregull një aktivitet sportiv, përfitimet i njohim të gjithë; kujtoj vetëm që adrenalina e tepërt e prodhuar nga stresi digjet pjesërisht nga ushtrimi fizik.
3) Ndër teknikat e shplodhjes, Yoga është veçanërisht e përshtatshme për personelin e klinikës dhe i shton dyshimeve përfitime psikologjike dhe mendore me një veprim përfitues në elasticitetin muskulor dhe artikular që ndihmon tolerimin e mënyrës së qëndrimit në punë.
4) Kontrollo ushqyerjen; mëngjesi i pasur, shumë ujë dhe fruta gjatë ditës; kujdes mos e teproni me darkën.
5) Programo axhendën në mënyrë që të keni hapësirë për urgjencat dhe për drejtimin menaxherial të klinikës që është një aktivitet produktiv si ai klinik.
6) Investo kohë në formimin e personelit dhe të bashkëpunuesve që ka gjithmonë një kthim të mirë të investimit. Personeli kompetent i aftë për të marrë delegimin e detyrës, redukton stresin.

Nën kujdesin e: Davis Cussotto, stomatolog Tëitter @DavisCussotto

Përktheu: Erjola Taga