Muzikoterapia, një instrument për dentistët për të reduktuar ankthin te pacientët

Ka nga ata që kënaqen me atë që transmeton radio dhe nga ata që me dashje zgjedhin të përhapin në klinikën dentare një lloj muzike të studiuar posaçërisht për të reduktuar ankthin te pacientët. Muzikoterapia po merr një vëmendje në rritje nga ana e dentistëve dhe artikulli i shfaqur në "Serbian dental journal" është kontributi më i fundit shkencor rreth kësaj teme. Kërkuesit e Universitetit të Beogradit kalojnë në rishikim aplikimet e mundshme të muzikës për të zgjidhur një problem. Ai i "frikës nga dentisti" që nuk kufizohet vetëm te pacientët në moshë pediatrike por që, sipas disa vlerësimeve, shtrihet nga 6% në 15% të popullsisë adulte.
Shpesh gjendjet e ankthit shkaktohen ose shtohen pikërisht nga elemente shqetësues të dëgjimit, nga zhurma e trapanit apo nga zhurma të tjera më pak të forta por që megjithatë kapin vëmendjen e pacientit dhe e adresojnë atë drejt procedurave që dentisti po kryen. Muzika mund të maskojë këto zhurma dhe t'i tërheqë vëmendjen pacientit duke ushtruar edhe një influencë të drejtpërdrejtë në reduktimin e dhimbjes; në fakt besohet se tingulli i një muzike që të pëlqen është në gjendje të reagojë në receptorët e dhimbjes duke lejuar reduktimin e dozës së analgjezikëve.

Janë të shumtë faktorët që gjenerojnë gjendje ankthi në një klinikë dentare dhe një prej më domethënësve është ndjenja për të humbur kontrollin për shkak të situatës pak familjare dhe të nevojës që t'i besosh veten tënde një personi tjetër edhe pse është i besuar. Në këtë rast një nga strategjitë e sugjeruara është që të bini dakord me pacientin për një "skaletë" këngësh të njohura, në mënyrë të tillë që të krijohet një atmosferë që të jetë sa më shumë familjare. Me të njëjtin qëllim, në situata edhe më të dhimbshme si lindja ose dhimbja e kokës "grumbull", është eksperimentuar përdorimi i zhurmës së bardhë që në analogji me të bardhën optike është prodhuar nga shuma e të gjitha frekuencave të dëgjueshme dhe duket se favorizon qetësinë.

Efektet ansiolitike të muzikës janë studiuar mbi të gjitha në 20 vitet e fundit gjatë trajtimeve të ndryshme mjekësore (jo vetëm në stomatologji por edhe në kirurgji, kardiologji dhe onkologji), por që nga përdorimi në vitet 80 dentisti pediatrik amerikan Stanley Frederick Parkin, kishte zbuluar efektet pozitive të 5 minutave muzikë që i kishte vënë fëmijëve të dëgjonin para se t'i nënshtroheshin procedurave stomatologjike.

Për të ftuar që të eksperimentojnë te pacientët e tyre efektet pozitive të muzikës, të përhapur në klinikë por edhe në sallën e pritjes, kërkuesit serbë paralajmërojnë që mos të ketë volume të larta të muzikës dhe zhanre muzikore me ritme shumë të forta, të cilat mund të rrisin nivelet e ankthin në vend që t'i reduktojnë ato.

Adelmo Calatroni

Bibliografia
(1) Jovanoviæ-Medojeviæ M, Neškoviæ J, Medojeviæ A. Music As an Alternative Therapy Method in Dentistry. Serbian Dental Journal, vol. 63, No 1, 2016
(2) Standley JM. A meta-analysis on the effects of music as reinforcement for education/therapy objectives. J Res Music Educ. 1996; 44:105-33.
(3) Thaut MH. The future of music in therapy and medicine. Ann N Y Acad Sci. 2005; 1060:303-8.

Përktheu: Erjola Taga