Shëndeti oral i amerikanëve jo i sigurt, sipas një raporti të Ada: përcaktuese pabarazitë ekonomike

Shëndeti oral ka një impakt të rëndësishëm në mirëqenien e përgjithshme të personave: nëse do ishte nevoja për konfirmime, ai më i fundit vjen nga SHBA, ku "American dental association", (Ada) ka publikuar një raport rreth temës, duke diferencuar të dhënat për secilin nga Shtetet. Në nivel kombëtar, 29% e të rriturve me të ardhura të ulëta paraqet kushte të zgavrës së gojës aq të këqija sa influencojnë negativisht mbledhjet në punë; një në katër persona raporton se ka reduktuar për këtë arsye pjesëmarrjen në aktivitete sociale; dy nga pesë persona ankohen për vështirësi në përtypje. Pjesa më e madhe e masave parandaluese të evidentuara nga dokumenti janë pikërisht pabarazitë e thella të përcaktuara te qytetaret amerikanë nga kushtet ekonomike, për sa i përket të gjithë aspekteve të shëndetit oral ashtu si edhe mirëqenia e përgjithshme.

Gjithashtu dhe pritshmëritë ndryshojnë shumë në funksion të të ardhurave dhe nëse rreth gjysma e popullsisë së pasur konsideron të mundshme humbjen e dhëmbëve të tyre natyralë me kalimin e viteve, kjo frikë shfaqet në tre nga katër persona të varfër.
Në fakt është kosto ajo që përfaqëson pengesën kryesore për amerikanët që të shkojnë rregullisht te dentisti, për të gjitha moshat dhe në çfarëdolloj shkalle të ardhurash.
Krahasuar me vitin 2000, përmirësimi i vetëm ka të bëjë me fëmijët, ndër të cilët përqindja e kariesit të patrajtuar është në rënie konstante dhe vizitat stomatologjike janë gjithmonë më të shpeshta: mbetet edhe në këtë rast ndryshimi sipas kushteve ekonomike dhe etnive, por në përgjithësi tendencat që lidhen me popullsinë pediatrike shkojnë në drejtimin e dëshiruar.

Për të rriturit, siç thuhej, situata nuk është po aq pozitive dhe Ada sugjeron që të rishikohet ndarja midis gojës dhe pjesës tjetër të trupit ekzistuese tashmë në politikat shëndetësore: në brendësi të Medicaid (programi shëndetësor federal i SHBA) përfitimet e njohura për procedurat stomatologjike të mbajtura nga të rriturit janë opsionale dhe pjesa më e madhe e shteteve parashikon vetëm një mbulim bazë. Të korrigjosh këtë pengesë duhet një kosto jo indiferente dhe është vlerësuar rreth një miliard e gjysmë dollar.

Gjithashtu dentistët amerikanë pretendojnë se nevojat orale duhet të jenë të përcaktuara dhe të matura ndryshe nga sa ndodh sot: kujdesi i shumë kompanive shtetërore është aktualisht i drejtuar ndaj pranisë dhe rëndesës së sëmundjeve të dhëmbëve, shpesh të limituara me karies dhe parodontit ndërsa ka pak theks mbi vlerësimin e kontributeve që një shëndet i mirë oral i ofron mirëqenies fizike, sociale dhe emocionale.

Adelmo Calatroni

Përktheu: Erjola Taga