Sindroma temporo mandibulare

Përkufizimi
Çrregullim i karakterizuar nga ndryshimi i artikulacionit temporo mandibular (pra nyja midis kockës temporale dhe kafkës apo mandibulës) apo ligamenteve dhe muskujve që e mbajnë dhe e bëjnë atë të lëvizë. Bëhet fjalë për një artikulacion shumë delikat, shtrirja e të cilit duhet të jetë perfekte për të lejuar një përtypje normale. Nëse kjo shtrirje ndryshon, muskujt kompensojnë me lëvizje jonormale që çojnë në dëmtimin e artikulacionit.
Kujdes ndaj kërcitjes së dhëmbëve gjatë natës (bruksizmi)!
Ndër shkaqet kryesore të sindromës temporo mandibulare janë: kërcitja e dhëmbëve gjatë natës (bruksizmi), traumat e mandibulës, të kokës dhe të qafës, mbylljet e këqija, mbushjet apo protezat dentare të kryera keq, artroza e artikulacionit dhe zhvendosja e artikulacionit (anatomi e çrregullt e ligamenteve artikulare).

Simptomat: kërcitje dhe dhimbje e mandibulës
Sindroma temporo mandibulare karakterizohet kryesisht nga një hapje me vështirësi dhe e kufizuar e gojës. Me raste mandibula mund të bllokohet në një pozicion të caktuar dhe të gjitha lëvizjet e mëtejshme (hapja e gojës si kur të vjen gjumë , përtypja) prodhojnë një kërcitje dhe dhimbje të papritur. Megjithatë mund të shfaqen dhimbje ( jo vetëm në nivel artikulacioni por edhe në qafë dhe në fytyrë), Cefalea, dhimbje dhëmbësh, ngurtësim i muskujve mandibular, dhimbje e brendshme në nivelin e veshëve, marrje mendsh dhe gumëzhitje.

Për diagnozën drejtojuni mjekut apo dentistit të besuar
Diagnoza përgjithësisht përcaktohet nga mjeku apo nga dentisti mbi bazën e simptomave dhe nga testi objektiv. Një test radiografik i artikulacionit, TAC, rezonanca nukleare magnetike apo elektromiografia mund të jenë të dobishme për të identifikuar shkaqet e sindromës dhe për të ndjekur vijueshmërinë.
Barna, kafshim apo ndërhyrje kirurgjikale? Zgjidhni kurën e duhur
Trajtimi i dhimbjes që shpesh shoqëron sindromën temporo mandibulare mund të kryhet me aspirinë apo FANS, (shpëlarja me resinë për tu adaptuar me një nga dy harkatat dentare), sidomos në individët që kanë tendencë për të kërcitur dhëmbët. Nëse shkaku i sindromës është një problem i shtrirjes së dhëmbëve, kërkohet ndërhyrja e stomatologut, ndërsa në rastet e deformimeve anatomike që pengojnë mbylljen e gojës mund të merret në konsideratë ndërhyrja kirurgjikale.

Agopuntura për qetësimin e muskujve
Agopuntura ka rezultuar efikase në trajtimin e presionit dhe dhimbjes në fytyrë apo dhëmbë; megjithatë lehtëson cefalean dhe mundëson qetësimin e muskujve.
Shtrirja e mandibulës: zgjidh ushqimin për të thjeshtësuar përtypjen
Shmangni ushqime dhe pije që përmbajnë kafeinë, sheqer apo alkool në 5-6 orë para se të shkoni të flini, sepse janë ushqime që nxisin kërcitjen e dhëmbëve. Për të thjeshtuar përtypjen, zgjidhni ushqime të thjeshta për tu përtypur dhe mënyra gatimi që i zbusin ushqimet.

Përktheu: Erjola Taga