Parodontit dhe lazer, lind polemika midis SldP dhe LEAD. I dobishëm apo jo përdorimi i tij?

Pak javë më parë nëpërmjet një njoftimi ANSA, presidenti i SldP, Claudio Gatti shfaqte dyshime mbi përdorimin e lazerit në kurimin e parodontitit.
Tashmë në sitin që shoqëria shkencore i dedikon informacionit mbi temën e parodontitit "gengive.org", duke folur për lazer dhe sëmundje parodontale lexojmë se "qëllimi i terapisë së sëmundjes parodontale është mbi të gjitha eliminimi i baktereve që gjenden në pllakën bakteriale dentare dhe në tartar. Vetëm se lazerat janë joefikas në heqjen e depozitimeve të tartarit nga sipërfaqja e rrënjëve."
SldP shpjegon kurën e sëmundjeve parodontale, që kryhet me procedura klinike që përdorin instrumente manuale dhe instrumente me tinguj ose ultratinguj. Në raste të përzgjedhura mund të bëhen kombinime të veçanta me antibiotikë.
Shoqëria shkencore në sitin e saj i rekomandon popullsisë të bëjë kujdes në besimin ndaj kurave mrekullibërëse në veçanti në referimin për përdorimin e lazerit, që përveç të qenit shpesh shumë të kushtueshme, për momentin nuk janë në gjendje të përmirësojnë rezultatet klinike që mund të përftohen me terapinë konvencionale.
Në ndonjë rast, shpjegojnë, duhet ti nënshtrohen ndërhyrjes kirurgjikale për të korrigjuar xhepat gingival. Protokolli terapeutik në fjalë, vijojnë nga SldP, ka një vlefshmëri të lartë shkencore me studime klinike që dëshmojnë suksesin e më shumë se 30 viteve vëzhgim dhe është pranuar nga i gjithë komuniteti shkencor internacional dhe mund të kryhet me kosto të përmbajtshme.

Rreth përdorimit të lazerit për të trajtuar parodontitin ANSA referon këtë deklarim të presidentit të SldP Claudio Gatti.
Përdorimi i lazerit si terapi e vetme sjell rezultate që vetëm në disa punime do të ishin të ngjashme me terapinë "klasike" por me disavantazhin e të qenit shumë më të kushtueshme." "Të gjithë studimet deri më sot të publikuar bien dakord rreth faktit se përfitimet e marra nuk janë kurrë më të mëdha se procedurat konvencionale dhe lazeri nuk përcakton asnjë avantazh të shtuar nëse përdoret një kombinim me terapinë konvencionale."
Këto vëzhgime, saktëson publikimi i agjencisë, janë të ndara nga ekspertët më të mirë botëror, janë publikuar në revistat më të mira të parodontologjisë dhe bëjnë pjesë në udhëzimet internacionale për kurën e parodontitit.
Afirmime që nuk janë lëshuar nga presidenti LEAD (Laser Excellence Academy for Dentistry) Laura Codegoni, që nëpërmjet një letre të gjatë dërguar presidentit Gatti konteston pohimin me të cilin mbështetet përdorimi i lazerit "nuk përcakton asnjë avantazh të shtuar nëse përdoret i kombinuar me terapinë konvencionale."

Duke pranuar se nuk janë akoma të shumta punimet shkencore të vlerësuara dhe protokollet terapeutike shkencërisht të dokumentuara, presidenti LEAD kujton se pikërisht këto punë shkencore "mbi bazën edhe të provës klinike na shpjegojnë që të mos refuzojmë vetë teknologjinë lazer, por për të punuar të gjithë bashkë për të bërë të mundur që një provë klinike pozitive e padyshimtë të mbështetet nga një provë shkencore e alternuar."
Një konsideratë që duhej ajo e SldP mbi efikasitetin e lazerit, hamendëson presidentja Codegoni, për faktin se kush "ka përftuar një teknikë të caktuar, sigurisht shkencërisht të vlefshme dhe me atë çdo gjë shkon mirë, nuk ndjen as detyrën as nevojën, nuk them për të ndryshuar teknikë por as për tu përballur me një teknikë të re, ndoshta ndihmëse sepse kjo do të çrregullonte ekuilibrin e vetë bindjeve të vendosura, deri në atë pikë sa të kenë vështirësi për të pranuar gjithçka që është e re dhe që ndoshta mund të prekë ndoshta rolin e saj unik të thesarit të shkencës dhe të zgjidhësit terapeutik; pra...vështirësi e pamasë për ta pranuar."

Duke dënuar "spote mrekullibërëse nga ana e kolegëve, që nuk janë sigurisht pjesë e lojës dhe e të interesuarve të kategorisë sonë, duke i mundësuar publikut lajme dhe informacione absolutisht mashtruese dhe të pabaza", presidentja Codegoni shpreson se mund ti "bëhet i njohur kolegëve tanë me korrektësi dhe ndershmëri intelektuale lazeri me gjatësi vale të ndryshme dhe mundësia e përdorimit të tij në degë të ndryshme të stomatologjisë, sipas afrive të tij me indet e ndryshëm të zgavrës së gojës, detyrë që Akademia që unë aktualisht jam presidente, LEAD po kërkon me entuziazëm dhe pasion që ta çojë përpara."

Nor.Mac.

Përktheu: Erjola Taga