Pajisjet mjekësore jo më konform normave, cilat dhe të kujt janë përgjegjësitë. Ja disa skenarë të mundshëm

Janë pajisje mjekësore të gjitha ato instrumente dhe materiale që përdoren nga stomatologu për të kuruar dhe rehabilituar pacientët e tyre, ato që vendosen në kontakt me vetë pacientin. Në të njëjtën mënyrë janë pajisje mjekësore edhe të gjithë produktet që përbëjnë një pajisje protetike (pajisje mjekësore me porosi), ajo e prodhuar në laboratorin teknik dentar.
Të gjitha pajisjet mjekësore duhet të kenë Shenjën CE: në mungesë të këtij kushti stomatologu dhe tekniku dentar nuk mund të përdorin pajisjen mjekësore.
Por nëse pajisja mjekësore, si në rastin e pajisjeve të krijuara nga kompania belge Alphadent NV, sot të tërhequr nga tregu, "kanë humbur" certifikimin, cila është përgjegjësia e atij që i ka përdorur?
"Asnjë, sepse kur ato janë përdorur pajisjet shfaqeshin konform normave dhe kishin shenjën CE", shpjegon për Odontoiatria33 avokatja Silvia Stefanelli eksperte e të drejtës shëndetësore në Bolonja. "Por bëhen përgjegjës" - vijon - "ata që nga data e komunikimin nga Ministria e Shëndetësisë për tërheqjen e produktit nga tregu vazhdojnë t'i përdorin."

Megjithatë edhe pse prodhuesi e ka sqaruar se për pajisjet në fjalë nuk janë hasur defekte prodhimi dhe asnjë problem nuk ka ndodhur te pacientët (çështja duket se ka lindur nga problemet burokratike), kush është përgjegjës nëse pajisja provokon dëme te pacientët?
"Prodhuesi që ka nxjerrë në treg pajisjen" - thotë avokatja - "ndërsa nuk mbajnë përgjegjësi për importuesin, depon që ia ka shitur dhe as për laboratorin teknik që i ka përdorur apo për dentistin që ka përshkruar dhe instaluar pajisjen protetike."
Edhe pse ligjore ka një "por". "Sigurisht që nëse një pacient nis një konflikt ligjor me dentistin e tij dhe rehabilitimi i kontestuar ka si komponent një nga këto pajisje dhe zbulon se ajo nuk kishte shenjën CE, ky aspekt mund të ndikojë në vendimin final të çështjes."

Në këtë rast, skenari i vijuar nga av. Stefanelli është ai ku mund të shohim pacientin të denoncojë dentistin, i cili do të thërrasë në çështje laboratorin që ka realizuar pajisjen, laboratori do të thërrasë në çështje prodhuesin i cili mbetet përgjegjësi real.
"Më pas do të jetë gjykatësi i cili do të vendosë nëse do të ketë përgjegjësi dhe e cilit do të jetë ajo", sqaron avokatja.
Në rastin në fjalë, meqenëse kjo lloj pajisjeje përdoret kryesisht si instrument për mbajtjen e shufrave dhe ka një pjesë si subjekt të mbylljes, si duhet të sillen dentistët në rastin kur është e nevojshme t'i zëvendësojnë?
"Klinikisht nuk mund të jap këshilla", vijon avokatja që megjithatë paralajmëron të bëjnë kujdes.

" Sigurisht nuk mund të përdoren më pajisjet e tërhequra, dentisti apo tekniku do të kryente një shkelje. Nëse nuk ekzistojnë në treg pajisje kompatibël me ato të tërhequra atëherë mjeku duhet t'i shpjegojë pacientit problemin dhe me shumë mundësi të ribëjë punën. Është më pas e diskutueshme edhe mundësia për të thërritur në gjykim prodhuesin që të rimbursojë realizimin e një pajisjeje protetike të re."

Norberto Maccagno

Përktheu: Erjola Taga