Streptokoku (salivarius) që eliminon Streptokokun (mutans). Rezultatet nga një kërkim italian

Kariesi është edhe sot patologjia orale me prevalencën më të lartë në moshë evolutive, aq sa e gjithë popullsia infantile italiane konsiderohet në risk për karies nga Udhëzimet e Ministrisë 2013. Është një sëmundje multifaktoriale, ku prezenca e baktereve kariogjene në biofilm luan një rol thelbësor në etiologji. Aktualisht konsiderohet se kariesi është një sëmundje polimikrobike, pra e lidhur me një komunitet kompleks të mikroorganizmave, të formuar nga dhjetëra specie bakteriale dhe jo ekskluzivisht nga Streptokoku mutans, që deri më tani ishte specia e identifikuar si agjent etiologjik i kariesit dentar, por që mbetet akoma edhe sot agjenti etiologjik më i rëndësishëm sa pjesa më e madhe e strategjive parandaluese janë të adresuara drejt kontrollit të këtij mikroorganizmi.

Aplikimi i masave parandaluese është i nevojshëm për të reduktuar riskun e lezioneve të reja dhe për të ndaluar progresionin e lezioneve në fazë fillestare.
Megjithatë edhe nëse përdorimi i produkteve që përmbajnë fluor mbetet mjekimi më i dokumentuar dhe prej shumë kohësh i njohur për të reduktuar prevalencën dhe incidencën e patologjisë karioze, kariesi për etiologjinë e tij multifaktoriale ka nevojë për programe parandalimi të përkushtuar në shumë fronte në gjendje të shfrytëzojnë kërkimet më aktuale dhe inovacionet më teknologjike.

Sot njihet se kaviteti oral në subjekte të shëndetshme karakterizohet nga një mikrobiotë e mirë ekuilibruar dhe që ndryshimi i këtij ekuilibri çon në çrregullime orale si sëmundja parodontale dhe kariesi dentar.
Një instrument parandalues për kariesin dentar dhe për shëndetin oral është i përfaqësuar nga modulimi i mikrobiotës orale nëpërmjet produkteve që janë në gjendje të favorizojnë një florë të shëndetshme bakteriale orale.

Në literaturën e viteve të fundit janë shfaqur studime që kanë propozuar administrimin oral të baktereve probiotikë, të përcaktuar si mikroorganizma të gjallë që japin një përfitim ndaj shëndetit të bartësit si administrimi i një sasie të mjaftueshme si strategji e re parandaluese e kariesit. Ky instrument bazohet në kapacitetet e disa shtamave probiotike (Lactobacillus rhamnosus, L. Casei, L. reuteri) për të mbajtur apo rivendosur florën bakteriale orale nëpërmjet një mekanizmi të interferencës dhe/ose të inhibimit të baktereve patogjene.
Por probiotikët intestinal konvencional nuk kanë vazhdimësi orale dhe përfitimet e mundshme për shëndetin e kavitetit oral duken transitore dhe në pjesën më të madhe i atribuohen stimulimit imunitar. Një strategji më logjike rezulton ajo e të përdorurit "probiotikë oral" pra mikroorganizma të izoluar nga zgavra e gojës, habitati i tyre natyral me subjekte humane të shëndetshëm dhe jo probiotikë intestinal për tu marrë në rrugë orale.
Kriteret kyç për kandidatin probiotik ideal janë: mungesa e patogjenicitetit; prani e gjerë si popullsi natyrale në brendësi të mikrobiotës orale, aktivitet i fuqishëm inhibitor in vitro dhe in vivo në krahasim me agjentët patogjenë oral.
Karakteristika që gjejmë në Streptokokun salivarius M18 me veprim: antibakterial, antipllakë, antiacide dhe antiinflamatore.
Në fakt është studiuar dhe dokumentuar kapaciteti i S. salivarius për të reduktuar në mënyrë domethënëse prezencën e S. mutans nëpërmjet veprimit anti pllakë të shkaktuar nga prezenca e megaplazmidit dhe efektit tampon të pështymës falë prodhimit të Ureasi në gjendje të moduloje pH oral.
Megjithatë S. salivarius M18 ka rezultuar të jetë në gjendje të kundërshtojë gjendjet inflamatore të parodonto duke reduktuar prodhimin e citokinave pro-inflamatore.
"M18 vendoset mirë midis strategjive të reja të parandalimit të kariesit dhe gingivitit të moshës evolutive" thotë prof. Alessandra Majorana, in vivo dhe in vitro në bashkëpunim me doktoreshën Gobbi përgjegjëse e Platformës së Mikrobiologjisë Agro ushqimore të UNIBS që përdor intrumentat e një teknologjie të lartë, më qëllimin për të vendosur protokollin më efikas për një parandalim të vazhdueshëm. Jemi duke vlerësuar probiotikun oral S. salivarius M18 (Carioblis).

Për më tepër:
Burton et al . 2013, Plos ONE 8(6): e65991. Burton et al., 2013 J Med Microbiol, 62:875-84. Di Pierro et al., 2015 Clin Cosmet Investig Dent,7:107-13.

Përktheu: Erjola Taga