CED, Këshilli Europian i Dentistëve. Presidenti Marco Landi tregon prioritetet

"Të vazhdojmë të forcojmë reputacionin e Council of European Dentists (CED) si shoqata e vetme dhe e vërtetë përfaqësuese e të gjithë dentistëve europianë dhe organizata e vetme kompetente për të këshilluar dhe mbështetur institucionet evropiane rreth iniciativave në të ardhmen, legjislative apo të llojeve të tjera që kanë të bëjnë me dentistët": ky është objektivi i deklaruar nga Marco Landi për mandatin e tij në presidencën e CED. I zgjedhur nëntorin e shkuar, Landi ka zëvendësuar austriakun Wolfgang Doneus që kishte mbajtur detyrën për dy mandate me radhë.

Intervista e presidentit të ri, tashmë e publikuar në numrin e marsit në "Pan European Networks: Science and Technology", është marrë në një version më të gjerë nga vetë CED me rastin e Raportit vjetor të saj rreth aktivitetit të zhvilluar.
Landi është i vetëdijshëm për momentin kritik të kaluar nga stomatologët europianë që po i bëjnë ballë presioneve ekonomike të tilla që kërcënojnë pavarësinë e tyre profesionale, ndërkohë afirmohet nevoja për të mbajtur dhe përmirësuar cilësinë e formimit dhe përfundimisht sigurinë e pacientëve.
CED është e mirë pozicionuar për të luftuar rreziqet që rëndojnë mbi profesion, sipas Landit, që tregon një vëmendje të fortë ndaj pavarësisë profesionale midis prioriteteve politike në drejtimin e Këshillit: "dentistët duhet të jenë në gjendje të vazhdojnë me ushtrimin e një profesioni liberal, të udhëhequr nga eksperienca e tyre dhe etika profesionale, në vend që të detyrohen nga një garë jo e drejtë dhe nga komercializimi i praktikës së tyre". Presidenti i referohet në mënyrë të qartë zinxhirëve komercialë, të udhëhequr nga jo dentistë, që në shumë vende europiane po ndryshojnë dhe po përkeqësojnë stomatologun, të motivuar nga përfitime afatshkurtër në vend të cilësisë. Nga ky këndvështrim një nga detyrat më urgjente të CED është azhornimi i Kodit etik për dentistët europianë që do të këtë parasysh rregulloren e re në Bashkimit falë ruajtjes së të dhënave, ku hyrja në fuqi pritet të ndodhë në 2018.

"Nga ana tjetër - vijon Landi - tentativat për të futur një standardizim të shërbimeve të ofruara në fushën shëndetësore në Bashkimin europian, sjellin edhe riskun potencial për të limituar autonominë profesionale të dentistëve. Nëse standardizimi do të zgjerohej ndaj përfitimeve stomatologjike, dentistët do të privoheshin nga mundësia për të adaptuar trajtimet e tyre ndaj nevojave individuale të çdo pacienti. Këto mund edhe të pengojnë dentistët që ti sigurojnë pacientëve të tyre nivelet më të larta të cilësisë dhe të sigurisë dhe në arritjen e rezultateve optimale klinike".

Siç thuhej, Këshilli i dentistëve europianë do të mbajë edhe me "presidencën italiane" të Landi, përkushtimin e tij kundrejt cilësisë së formimit për stomatologët e ardhshëm. "Në këtë fushë - afirmon Landi - do të luftoj për një formim dentar akoma më të mirë në universitetet e të gjithë Europës, që duhet të plotësojnë disa cilësi minimalë si për sa i përket mësimeve teorike si atyre në ushtrimin praktik". Në këtë pikëpamje do të jetë i natyrshëm një bashkëpunim me organizmat e tjerë që përfaqësojnë dentistë në Europë dhe që për një kombinim befasues, do të përfshijnë stomatologë të tjerë të shquar italianë në samitet e tyre.
Landi deklaron për shembull qëllimin për të zhvilluar një aktivitet të përbashkët me Shoqatën për edukimin dentar në Europë (Adee), e drejtuar nga Corrado Paganelli, si edhe shoqatën Europiane të studentëve dentar (Edsa).
"Për fat të keq - shprehet Landi - direktiva kryesore evropiane që ka të bëjë me atë rreth njohjes së kualifikimeve profesionale, që nuk përmbushen akoma plotësisht, për sa i përket profilit formues bazë të dentistit dhe do të dyfishojmë përpjekjet për tu përditësuar në një linjë me udhëzimet më moderne edukative dhe shkencore".

Adelmo Calatroni

Përktheu: Erjola Taga