Higjiena e këmishave dhe e veshjeve të punës. Cilat të blejmë, si dhe kur duhet t'i blejmë ato

Puna e stomatologut të imponon përdorimin e veshjes së punës që duhet përdorur vetëm në brendësi të klinikës meqenëse ekziston riksu i transmetimit pasiv, veshjet janë subjekte kontaminimi dhe përfaqësojnë një burim potencial të mikroorganizmave patogjenë: nuk duhet pra të përdoren jashtë ambientit të punës (1,2).

Pëlhurat
Pëlhurat e disponueshme në treg janë shumë (p.sh.: gabardinë, saten, Jersey...) nga të cilët materialet që përdoren mund të jenë: mëndafshi, fibrat artificiale si rayon, fibra sintetike si poliestër, pambuk, viskozë, lesh apo kombinim i disave. Preferohen pëlhurat dhe materialet që lejojnë mbajtjen e integritetit të produktit edhe pas larjeve të shumta, që të jetë i rehatshëm gjatë lëvizjes dhe që të lejojë një rehati sa më të mirë, në përgjithësi dhe një djersitje adekuate. Pra preferohen pëlhurat e pambukta.

Forma
Format e disponueshme në treg janë nga më të ndryshmet, që kanë të bëjnë me faktorët estetikë dhe me stilin por janë edhe ergonomike. Mund të jenë prezent zinxhirë ose butona. Mund të kenë mëngë të gjata apo të shkurtra. Masat variojnë nga XXS në XXL. Një këmishë me shumë xhepa mund të rezultojë e pa dobishme nga momenti që nuk na nevojitet të mbajmë me vete mjete. Nuk duhet të jenë shumë të ngushta për të mos kompromentuar një lëvizshmëri korrekte të mjekut por as shumë të mëdha që të mos ngatërrohen lehtësisht gjatë lëvizjeve.

Transporti
Transporti i rrobave të përdorura në vendin e punës duhet të kryhet në enë (të tipit shportë) e përdorur për këtë qëllim dhe e veçuar nga objekte të tjera.

Larja me urgjencë e rrobave të punës
Larja e rrobave të përdorura në vendin e punës në rast emergjencash (p.sh. njollë gjaku në një pjesë të këmishës) duhet të kryhet sipas protokollit të mëposhtëm:
• Hiqni, nëse është e mundur, menjëherë rrobën, në përshtatshmëri me ndërhyrjen. Gjatë ndërhyrjeve të implantologjisë (apo ndërhyrjeve të tjera analoge) kjo nuk është e mundur nëse nuk është në kontrast me shëndetin direkt të mjekut (p.sh.: njollë gjaku në afërsi të një pjese të dëmtuar të mjekut edhe nëse është e fashuar në mënyrë të përshtatshme dhe të mbrojtur siç e parashikon protokolli specifik)
• Pastroni nën ujë të ftohtë dhe të rrjedhshëm deri në eliminimin e dukshëm të njollës
• Lagni anën e interesuar me hipoklorit natriumi 5% apo dezinfektues të tjerë të quajtur të përshtatshëm për momentin.

Larja rutinë "e përgjithshme"
Është e këshillueshme që të pastrohen të paktën një herë në javë uniforma dhe çdo ditë ajo që shfaqet jashtë këmishës (bluza, çorape) me hipoklorit natriumi ndjekur nga një larje me dore dhe/apo me lavatriçe (duke përdorur ciklin që parashikon temperaturën më të lartë ose jo më të ulët se 60°) duke mos i përzier me rroba të tjera për t'u veshur. Për sa u tha vlen për rrobat e bardha të pambukta. Uniformat apo rrobat e tjera me ngjyra (për ngjyra shumë të errëta si bluja) gjithmonë pambuku duhet të lahen me dorë me produktin e duhur "për ngjyrat" dhe më pas në lavatriçe me 30° pa hipoklorit por me produktet e përshtatshme. Uniformat, gjithmonë në pambuk, me ngjyra më të hapura mund të lahen në lavatriçe në 40°. Të njëjtat procedura mund të përdoren çdo herë që gjykohet e përshtatshme pas ndërhyrjeve të veçanta stomatologjike apo kur janë dukshëm të pista. Përdorni produktin në njolla të kryera nga lëngje për fiksimin e radiografive.
Në pika të përgjithshme të gjitha rrobat e bardha të pambukta lahen me një siguri më të lartë nga integriteti që kanë për sa i përket ngjyrës dhe ruajtjes së formës origjinale dhe qepjeve krahasuar me produktet me ngjyrë dhe me një përbërje të ndryshme nga 100% pambuk.

Vendndodhja e uniformave të punës dhe mjetet minimale
Rrobat e lara ruhen në mënyrë të përshtatshme në hapësirën dedikuar rrobave të pastra. Çdo individ duhet të jetë i pajisur me të paktën një palë pantofla dhe të paktën tre uniforma të përbëra nga bluza dhe pantallonat. Çdo individ duhet të veshë një bluzë me mëngë të shkurtra apo të gjata jo me një përdorim të vetëm, pantallonat dhe pantoflat. Është e domosdoshme të keni tre komplete (një kryesor dhe dy rezervë).
Janë të domosdoshme të paktën një palë pantofla.
Në momentin që kryhet një ndërhyrje stomatologjike preferohet të keni bluza me mëngë të shkurtra.
Gjatë veprimeve të dezinfektimit, pastrimit dhe sterilizimit në "sallën e sterilizimit" është e përshtatshme të përdorim përparëse mbrojtëse kundra prerjeve dhe e papërshkueshme dhe doreza kundra prerjeve.

Veshja personale jo profesionale e përdorur gjatë punës

- Këshillohet që të gjitha veshjet e dukshme jashtë këmishës (çorape dhe bluzë apo kanotiere) të vishen vetëm në brendësi të klinikës. Për këtë motiv është më mirë që të zotërojmë veshje personale vetëm në klinikën dentare.

Veshje civile

Nuk këshillohet përdorimi i veshjeve "civile" në brendësi të zonave operative dhe të zonave të sterilizimit.

Nën kujdesin e: Marcello Chiozzi Sekretar i Sindikatës Provinciale ANDI Ferrara

Bibliografia
1) BARR C., MARDER M., AIDS - Guida alla professione odontoiatrica. Scienza e tecnica dentistica, 1989.
2) Montagna F. - Prevenzione delle infezioni in odontoiatria: epatiti e AIDS. Edizioni Promoas, 1996

Përktheu: Erjola Taga