Përshtypjet online për mjekët dhe dentistët. A mund të funksionojnë?

Jo vetëm restorante dhe hotele: vlerësimi i shërbimeve mjekësore nëpërmjet internetit po bëhet realitet.
Shumë nga ne këshillohen rregullisht me TripAdvisor para se të rezervojnë pushimet dhe në kthim lënë me kënaqësi përshtypjet pozitive apo negative. Por a është ky model i aplikueshëm edhe për sa i përket shëndetit?
Një artikull online i "Harvard Business Review", sjell titullin domethënës "Why doctors shouldn't be afraid of online reviews", 29 mars 2016 (Përse mjekët nuk duhet të kenë frikë nga vlerësimet online") dhe citon eksperiencën pozitive të një spitali universitar në Utah që ka vendosur online profilet e mjekëve dhe përshtypjet relative - të shprehura nga pacientë të akredituar dhe me identitet të verifikuar (pra pacientë të vërtetë, jo thjesht vizitues të sitit).

Argumenti pra është shumë aktual: duke qenë se interneti tashmë është pjesë integruese e jetëve tona, në ç'mënyrë influencohen profesionistët e mjekësisë? A ka sens që ti lejojmë pacientëve të shprehin lirshëm opinionin e tyre në lidhje me shërbimin e kujdesit dentar të përftuar? A ka një limit në lirinë e publikimit të mendimeve tona? Cilat janë pro-të dhe kundra-t e të bërit publike (dhe të lira, pra jo të censuruara) gjykimet e vetë pacientëve? A ka rrezik se konkurrentët apo ata që i jemi antipatikë, do të infektojnë vlerësimet me komente të hidhura apo pak objektive? Edhe sikur të ndodhte kështu, a ia vlen vërtetë përpjekja?
Artikulli i Harvard prezanton disa nisma interesante.

• Çdo mjeku duhet t'i atribuohet përgjegjësia publike e "patient experience" që si pasojë të sjellë faktin se kjo eksperiencë do të përmirësohet në mënyrë të pashmangshme. Sigurisht që ekziston risku se ndonjë pacient mund shprehë një mendim negativ i ndikuar nga emocionet, por në kompleks mjeku që e di se do të vlerësohet sforcohet që t'i japë pacientit (dhe çdo pacienti) ndjeshmëri, kujdes apo ta dëgjojë, që ndoshta në të përditshmen e tij tenton ta neglizhojë; në kompleks pro-të janë më shumë se kundra-t
• Sistemi i vlerësimit publik i sinjalizon atij që s'është akoma pacient se struktura mjekësore e ka për zemër kënaqësinë dhe nxitjen e besimit dhe perceptimit të profesionalizmit
• Faktikisht sot shumë shpesh, pacientët shkojnë te mjeku apo te dentisti për shkak të fjalëve të thëna nga miq apo të njohur, gjithashtu jo perfekte apo subjektive si vlerësimet anonime nëpërmjet internetit
• Përshtypjet online, nëse janë pozitive, mund të sjellin më shumë pacientë në klinikë, por t'i bësh të kthehen e të qëndrojnë besnikë mbetet në duart e mjekut, kënaqësia e pacientit ndërtohet me punën konkrete të çdo dite dhe në këtë fushë Interneti nuk është domethënës - eksperienca reale fiton mbi faqet online
• Dialogu i hapur me pacientin favorizon inovacionin në cilësinë e shërbimit mjekësor dhe përmirësimi i marrëdhënieve mjek-pacient: të dëgjosh pacientin, të kuptosh çfarë kanë frikë dhe çfarë vlerësojnë ndihmojnë mjekun që t'i "shërbejë" në mënyrë më efikase.
Sigurisht për sa i përket përshtypjeve online ka kritika që duhet të mbahen parasysh dhe aspekte rreth privatësisë, objektivitetit dhe kapacitetit të gjykimit që nuk duhet të lihen pas dore, por në përgjithësi mund të jemi optimistë në mënyrë të kujdesshme sepse komunikimi favorizon vetëm zhvillimin. Çfarë mendojnë lexuesit tanë?

Nën kujdesin e: Cristina Marinari eksperte e ekonomisë dhe marketingut, shkrimtare, pedagoge në menaxhimin e kompanive dentare. Bashkautore e vëllimit Edra "Il preventivo dello studio dentistico".

Përktheu: Erjola Taga