QKEV publikon listën e stomatologëve me detyrim minimal të kryer për 2015-n. 867 pa kredite të mjaftueshme

Deri në fund të dhjetorit 2015 mjekët stomatologë duhej të plotësonin numrin vjetor minimal të krediteve, por nga një publikim i fundit i Qendrës Kombëtare të Edukimit në Vazhdim, rezulton se 2/3 e tyre e kanë shlyer këtë detyrim. Ndërsa 867 stomatologë nuk e kanë kaluar kufirin minimal prej 5 kreditesh dhe pjesa më e madhe e tyre nuk kanë grumbulluar asnjë kredit.

Ndonëse duhet që dentistët brenda një viti të plotësojnë minimalisht 5 kredite, si dhe në fund të ciklit 4-vjeçar të certifikimit të japin testin online të vetëvlerësimit (i vlerësuar me 10 kredite), këto nuk mjaftojnë për të plotësuar kuotën totale të 60 krediteve, që çdo dentist duhet të ketë mbledhur në fund të Programit të Certifikimit.
Prandaj profesionistëve të shëndetësisë iu është përcaktuar se përveç ndjekjes së konferencave e seminareve, ku mund të marrin të paktën 50% të numrit të përgjithshëm të krediteve, mund të ndjekin edhe aktivitete të edukimit në distancë siç janë kurset apo konferencat online të akredituara, nga të cilat mund të përfitojnë deri në 50% të krediteve totale.
Ndërkaq QKEV ka p

ublikuar listën emërore të 1702 stomatologëve që përmbushën kreditet gjatë vitit 2015 dhe fton të gjithë profesionistët që nuk e gjejnë veten në listë të kontaktojnë në zyrat e saj./D.GJ.

Kliko për të parë listën