Mediat sociale: Një rol bindës në vizitat për të parandaluar tumorin e zgavrës së gojës

Një fushatë marketingu në Rrjetet Sociale ka shërbyer për të sensibilizuar popullsinë e Detroit (SHBA) që t'i nënshtrohet skanerit për Karcinomën Orale. Rezultatet epidemiologjike janë inkurajuese, sipas JAMA diagnoza e hershme ka reduktuar sëmundshmërinë e sëmundjes.

Popullsia në Detroit dhe e konteve kufitare në Shtetin e Michigan është në risk të lartë për Karcinomën Orale. Detroit Oral Cancer Prevention Project, DOCP është krijuar nga bashkëpunimi midis Universitetit të Michigan, dentistëve të American Dental Association, ADA dhe mjekëve të përgjithshëm.
Fushata sensibilizuese ka zgjatur 3 vjet dhe ka përdorur instrumentet mediatike që sot kanë një impakt më të madh te personat: Web-i i Mediave Sociale, duke filluar nga Facebook.

Përmbajtjet mediatike të mesazhit ishin shenjat dhe faktorët e riskut të Karcinomës Orale duke vendosur theksin në rëndësinë dhe thjeshtësinë e diagnozës së hershme për të mposhtur një patologji sigurisht vdekjeprurëse.
Në mënyrë domethënëse është rritur numri i skanimeve të kryera në zonën e studiuar krahasuar me kontetë e tjera të Michigan të përdorura si kontroll.

Rezultatet e përftuara, komenton doktor Lim Sungwoo, kërkues dhe koordinator i DOCP, dëshmojnë se si fushata mediatike me kosto të ulët por me një impakt të lartë në popullsi është shumë efikase dhe përmirëson te pacientët mundësinë e mbijetesës.

Nën kujdesin e: Davis Cussotto, stomatolog profesionist Twitter @DavisCussotto

Përktheu: Erjola Taga