Përfito 24 kredite online me kursin "Emergjenca, infeksione dhe anomali". Kursi është i vlefshëm vetëm për dentistë

Tashmë stomatologëve ju ofrohet mënyra më e thjeshtë e informimit e njëkohësisht e përvetësimit të krediteve nga shtëpitë apo vendet e tyre të punës. "Emergjenca, infeksione dhe anomali" është kursi me pesë module që përmbledh njohuritë e një grupi të njohur docentësh në Itali, të cilat i gjeni në platformën www.ecm33.al.

Në modulin e parë përshkruhen emergjencat mjekësore në klinikë, shpjegohet ndihma e nivelit të parë dhe të dytë e gjithashtu ilustrohen krizat vagale, hipoglicemike, astmatike, kardiake, hipertensive, konvulsive, iktusin. Tema e modulit të dytë fokusohet në infeksionet odontogjene, ku përshkruhen të gjitha fazat e zhvillimit nga diagnostikimi te komplikacionet, bakterologjia dhe epidemiologjia. Moduli i tretë është vazhdim i të dytit dhe ofron terapitë më efikase për infeksionet odontogjene e konkretisht trajtimet kirurgjikale dhe ato farmakologjike. Theks të veçantë i kushtohet përgjegjësisë së profesionistit për menaxhimin e këtyre infeksioneve. Moduli i katërt i dedikohet keqpozicionimit të kaninit, duke kaluar nga epidemiologjia, etiologjia, mundësitë terapeutike, heqja e kaninit etj. Infeksioni oral nga Human Papilloma Virus është një nga temat më interesante të këtij kursi dhe baza e modulit të pestë. Neoplazitë e zgavrës orale janë një ndër problematikat më të vështira për t'u zgjidhur nga specialistët dhe në këtë kontekst infeksioni gjenital nga Human papillomavirus (HPV) është një nga infeksionet që infekton edhe mukozat e gojës. Në këtë modul do të kaloni nga virologjia dhe historia e infeksionit HPV, te pjesa klinike e subklinike, protokollet terapeutike dhe opsionet e parandalimit.

Pra ju nevojiten vetëm 5 module për të bërë një "tur" të vërtetë nëpër emergjencat dhe problematikat më të rëndësishme të zgavrës së gojës dhe në fund ju presin 24 kredite formative të merituara.
Në fund të çdo moduli do t'ju jepet një pyetësor që verifikon njohuritë tuaja. Keni mundësi të palimituara përsëritjeje dhe mund ta kaloni me sukses vetëm nëse i përgjigjeni saktë 75% të pyetjeve. Me përfundimin e kursit "Emergjenca, infeksione dhe anomali" do të shkarkoni dhe merrni me email certifikatën e cila dëshmon kryerjen e suksesshme të tij dhe marrjen e krediteve të njohura nga QKEV. Kujtojmë se ofruesi i këtij kursi është EDRA LSWR, një ndër më të rëndësishmit të edukimit në vazhdim më Itali./D.GJ.

Lexoni këtu mbi procesin e blerjes së kursit