Mbështetja e Whatsapp në marrëdhënien dentist-pacient. E certifikon edhe komuniteti shkencor

Një përdorim i gjerë i smartphone dhe aplikacioneve të tyre dhe software-eve kanë krijuar një erë të re në shkëmbimin e të dhënave klinike midis pacientëve dhe mjekëve.
Specifikisht, WhatsApp Messenger është një aplikacion mesazhesh telefonik që lejon shkëmbimin e mesazheve, imazheve, audio dhe video duke përdorur një lidhje Interneti. Efikasiteti dhe dobia e tij është dëshmuar në disa kontekste klinike, për shembull, në rastet e traumatologjisë, ku WhatsApp është përdorur për të përcaktuar një diagnozë fillestare dhe klasifikimi i frakturave në pllakën tibiale gjatë ndërhyrjes emergjente kirurgjikale, në mënyrë që të kërkohet këshillë për sa i përket kirurgjisë plastike dhe rikonstruksioneve sa më shpejt dhe në mënyrë adekuate. (Giordano 2015).

Krahasuar me Whatsapp, që rezulton të jetë pa dyshim një sistem i menjëhershëm dhe komod i ditëve të sotme në çdo rrethanë, përdorimi i e-mail-it për diagnostikimin e sëmundjeve orale ka treguar kufizime të ndryshme dhe disavantazhe:
1) kohë më e gjatë e nevojshme për të marrë një foto dixhitale të një lezioni oral, të transferosh një foto te një pajisje e lidhur me Internetin dhe kërkimi i imazheve të bashkangjitura;
2) kosto e telekamerave intraorale, aparateve fotografik dixhital dhe/apo sistemeve të dedikuara, me një shkallë adekuate prezantimi në kapjen e imazheve të një cilësie të lartë;
3) disponueshmëria e qëndrueshme e këtyre pajisjeve gjatë kontrolleve orale dentare.

Në një studim të kohëve të fundit të publikuar në "Oral Surg Oral Med Oral Pathol Oral Radiol" në mars 2016, përshkruhet përdorimi i WhatsApp për smartphone për të shpërndarë informacione mjekësore të klinikës orale.
Të gjitha imazhet klinike janë dërguar rastësisht në smartphone-ët e autorëve të këtij studimi nëpërmjet WhatsApp nga janari 2013 në janar 2015. Ky studim është aprovuar nga komiteti etik dhe drejtuar sipas Deklaratës së Helsinkit. Imazhet klinike dhe çështjet e lidhura me to i janë dërguar autorëve nga dentistë të përgjithshëm, mjekë, higjienistë dentarë dhe pacientë nëpërmjet ndërmjetësit WhatsApp. Çdo imazh apo pyetje e dërguar është klasifikuar si:
- traumatike
- infektive
- neoplastike
- autoimune
- jo e klasifikueshme

Dërgesat janë gjithashtu grupuar sipas tipit të dërguesit, numrit të fotografive për dërgues dhe llojit të pyetjes. Pacientët janë ftuar në fakt që ti nënshtrohen një testi klinik me biopsi, nëse do të këshillohej. Imazhet e dërguara janë krahasuar me diagnozën kliniko - patologjike.
Krahasimet e përftuara nga autorët kanë qenë si më poshtë:
• 339 imazhe janë marrë për 96 pacientë.
• 92 (95,8%) pacientë i janë nënshtruar një testi klinik patologjik dhe 45 (49%) pacientë kanë kryer biopsi.
• Dentistët e përgjithshëm (62%) dhe higjienistët dentarë (26%) kanë qenë dërguesit më të shpeshtë.

Nga rezultatet e këtij studimi ka dalë në pah se aplikacionet e telemjekësisë, si WhatsApp, janë në gjendje të përballojnë komunikimin rreth kushteve orale midis mjekëve dhe pacientëve, duke reduktuar barrierat gjeografike dhe inkurajojnë pjesën më të madhe të pacientëve të ndjekin një ekzaminim klinik ekspert të mëtejshëm.

Nën kujdesin e: Lara Figini, Koordinatore Shkencore e Odontoiatria33

Bibliografia:
- Giordano V, Koch HA, Mendes CH, Bergamin A, de Souza FS, do Amaral NP. WhatsApp messenger is useful and reproducible in the assessment of tibial plateau fractures: inter-and intra-observer agreement study. Int J Med Inform.2015;84:141-148.
- WhatsApp: a telemedicine platform for facilitating remote oral medicine consultation and improving clinical examinations. Massimo Petruzzi, e Michele De Benedittis, Oral Surg Oral Med Oral Pathol Oral Radiol March 2016;121:248-254)

Përktheu: Erjola Taga