Përtyp sepse kursen! Kërkimi anglez tregon se duke përtypur çamçakëz pa sheqer kurseni 1,4 milion euro në vit

Efekti pozitiv i çamçakëzëve pa sheqer në parandalimin e kariesit dentar njihet me kohë, por sot shtohet një motiv më shumë për të promovuar përdorimin: kosto. Me sistemet shëndetësore të shumë vendeve, në përpjekje me nevojën për të reduktuar shpenzimet, rëndësia e konsideratave ekonomike edhe në zgjedhjet që kanë të bëjnë me shëndetin oral, është rritur ndjeshëm. Tre kërkues anglezë kanë kryer një studim, që më pas është publikuar në "British Dental Journal"(*), për të caktuar sasinë e shpenzimeve të mundshme që mund të derivojnë nga një përdorim më i madh i çamçakëzëve pa sheqer.

Shifrat e përftuara janë befasuese: nëse çdo 12 vjeçar britanik do të konsumonte një çamçakëz të vetëm pa sheqer më shumë në ditë, kostot më të ulëta shëndetësore mund të arrijnë në total 1,1 milion sterlina në vit (më shumë se 1,4 milion euro): pra një politikë e orientuar drejt inkurajimit të përdorimit të çamçakëzëve pa sheqer do të reduktonte presionin mbi Sistemin shëndetësor kombëtar në Mbretërinë e Bashkuar.

Analiza është kryer te 12 vjeçarët sepse mendohet se pjesa më e madhe e kariesit dentar zhvillohet në moshë të re, sepse bëhet fjalë për grupmoshën e popullsisë që përdor më shumë çamçakëz por jo vetëm kjo, por sepse zotëronte të dhëna veçanërisht të detajuara pikërisht për djemtë dhe vajzat 12 vjeçar.
Edhe para se të vlerësohej impakti ekonomik, efekti i çamçakëzëve pa sheqer studiohej gjerësisht: provat shkencore tregojnë se konsumi i këtyre çamçakëzëve, sidomos pas vaktit ushqimor është në gjendje të reduktojë zhvillimin e kariesit dentar. Efektet përfituese janë si në fillimin e kariesit si në progresionin e tij dhe mekanizmat që lejojnë efikasitetin, qëndrojnë në prodhimin e lartë të pështymës nga përtypja e çamçakëzëve. Pështyma ka tendencën të neutralizojë acidet e pllakës bakteriale që të rimineralizojnë smaltin e dhëmbëve dhe ndihmon në heqjen e mbetjeve të ushqimit të ngelura në zgavrën e gojës: sa më shumë të prodhohet aq më të përmendura janë efektet përfituese të saj.

Nga ana tjetër autorët e studimit nxjerrin në pah se National Health Institute, sistemi shëndetësor publik britanik është në deficit kronik dhe shpenzon 3,4 miliard sterlina çdo vit për shërbimet stomatologjike për të rriturit dhe fëmijët, ndërkohë që impakti ekonomik i shëndetit të keq oral të qytetarëve është i konsiderueshëm dhe rritet çdo vit.

Adelmo Calatroni

Për më tepër: (*) Claxton L, Taylor M, Kay E. Oral health promotion: the economic benefits to the NHS of increased use of sugarfree gum in the UK. Br Dent J. 2016 Feb 12;220(3):121-7.

Përktheu: Erjola Taga