Je lider apo shef? Ja 16 pikat për ta zbuluar

Në universitet ishe i përqendruar për të përftuar kompetencat klinike dhe titujt, që të mund të ushtroje Profesionin. Kur fillon të punosh mendon se ke botën në dorë, por shpejt përballesh me realitetin e ambientit të punës: kolegët e ekipit, personeli ndihmës, pacienti.
Në karrierën profesionale do të ndodhë më pas që të hasësh një "Shef" apo drejtues që çdo sukses do ta kthejë në një çështje personale dhe çdo dështim në një rast për të organizuar një gjueti shtrigash.
Jay Geier prej shumë vitesh merret me trajnime menaxheriale të personelit shëndetësor nëpërmjet "Scheduling Institute" në Atlanta (USA). Në Blog-un e tij shpjegon si të kultivosh Leadership-in për të mos u bërë një "Boss" që nuk mund të arrijë nivele të larta në karrierën profesionale.
Leadership-i, shpjegon eksperti, është aftësia për të udhëhequr, kontrolluar dhe influencuar sjelljet e të tjerëve. Duke nisur nga një "soft skill" (aftësi) thelbësore që supozohet e pranishme në një subjekt që është përballur me një rrjedhë të gjatë akademike e mund të përftohet nëpërmjet studimit dhe ushtrimeve të vazhdueshme.

Ja 16 ndryshimet midis një lideri dhe një shefi sipas Jay Geier:
1) Shefi shtyn personat që të reagojnë, lideri i formon dhe i udhëheq për veprim.
2) Shefi fokusohet në autoritet, lideri në vullnetin e mirë.
3) Shefi ngjall frikë, lideri entuziazëm dhe simpati.
4) Shefi thotë "unë", lideri thotë "ne".
5) Shefi thotë "ju dua këtu në kohë për...", lideri vjen para kohe për...
6) Shefi ankohet për avarinë, lideri e riparon.
7) Shefi di se si duhet bërë, lideri e tregon se si duhet bërë.
8) Shefi thotë "shko", lideri "shkojmë".
9) Shefi i përdor personat, lideri i ndihmon të rriten.
10) Shefi shikon të sotmen, lideri të nesërmen.
11) Shefi komandon, lideri pyet.
12) Shefi nuk ka kurrë kohë, lideri gjen kohë për gjërat që kanë rëndësi.
13) Shefi merret me gjërat, lideri me njerëzit.
14) Shefi i bën të ditur personave ku ndodhet, lideri i bën të ditur personave ku ndodhen ata.
15) Shefi punon fort për të prodhuar, lideri punon fort për të bërë të mundur që të tjerët të prodhojnë.
16) Shefi pretendon meritat, lideri i shpërndan.