Pa internet dhe publicitet: dentisti përzgjidhet nëpërmjet kalimit të fjalës

Si e zgjedhim dentistin? Në pjesën më të madhe me përhapjen e fjalës, duke i besuar miqve dhe familjarëve, aspak nëpërmjet internetit apo publicitetit. Për më tepër duke e ndërruar, dentisti është pika jonë e referimit për gjithçka që ka të bëjë me informacionet rreth shëndetit të dhëmbëve .
Kjo është pasqyra e hetimit të Dica33 në bashkëpunim me portalin e specializuar Odontoiatria33, e promovuar te rreth 2 mijë lexues me objektivin që të kuptojnë marrëdhënien e tyre me stomatologun, kriteret e zgjedhjes dhe përdorimin e internetit për të ditur më shumë rreth gojës, dhëmbëve dhe rreth shëndetit në përgjithësi.

"75% e të studiuarve deklaron se ka shkuar te dentisti të paktën një herë gjatë 12 muajve të fundit" - shprehet Nicola Miglino, drejtor editorial i Dica33. "Raporti me profesionistin është shumë i ngushtë, sepse 6 në 10 i drejtohen atij për të marrë informacion mbi problemet me gojën.
Por shpesh ama e ndryshojnë: 7 në 10 të paktën tre herë gjatë jetës, në 39% të rasteve për arsye se nuk ishin të kënaqur, i kërkojnë më pas këshillë, një rast në dy, miqve dhe të njohurve të tyre.
Më pas na befason fakti që pavarësisht se gjatë këtyre viteve janë përhapur reklama të studimeve profesionale , 84% e të intervistuarve shprehen jo të ndjeshëm ndaj këtij tipi komunikimi. Në fund interneti: nëse 9 lexues nga 10 i besojnë rrjetit për të kërkuar informacione mbi shëndetin në përgjithësi, argumentet dentare shqyrtohen në rrjet nga 1 lexues në 4: të tjerët, me një mbizotërim neto, i drejtohen drejtpërdrejt dentistit."

"Kërkimi" - komenton Norberto Maccagno, drejtor editorial i të përditshmes online Odontoiatria33 - "konfirmon si dentisti është një profesionit i shëndetit shumë i respektuar dhe i konsideruar dhe si marrëdhënia e besimit që ndërtohet është vendimtare. Me shumë mundësi për këtë arsye qytetarët preferojnë ti drejtohen një klinike private ku operon një dentist i vetëm - në 90% të rasteve - krahasuar më një strukturë të madhe - 6,2% - dhe vetëm 1,1% zgjedh të kurohet jashtë vendit.
Së fundmi, midis arsyeve për të cilat gjatë 12 muajve të intervistuarit i janë drejtuar dentistit rezulton një shqetësim klinik në 37,5% të rasteve, një vizitë kontrolli (34%) dhe një seancë për higjienë orale (28,5%)".

Përktheu: Erjola Taga