Edicioni i 151-të i Midwinter Meeting në Chicago për mësimin e dixhitalit dhe të Cad-Cam. Në SHBA fluksi dixhital në proteza është tashmë një realitet

CAD / CAM dhe stomatologjia dixhitale kanë qenë temat më të trajtuara në edicionin e 151-të të Midwinter Meeting në Chicago.

Rrjedha dixhitale e punës, e ashtuquajtura fluksi dixhital në proteza ka lindur më parë në laboratorin dentar me skanerët e modeleve. Skanimi intraoral sot është përmirësuar dhe është i besueshëm dhe nga këtu duhet të nisë rrjedha dixhitale e punës, drejtpërdrejtë në gojën e pacientit.
Mbështetjen për këtë e ka dhënë në leksionet e tij Jonathan Ferencz, ish President i American College of Prosthodontists.
Teknika e skanimit intraoral është e thjeshtë për t'u përftuar. Një studio Akademike ka treguar se koha mesatare për ta mësuar është kryesisht e njëjtë nga një student i stomatologjisë në tjetrin dhe nga një profesionist i mirë në tjetrin.
Një dokument i vetëm përmbledh imazhin tredimensional të përgatitjes së kryer. Diferenca, nëse procedurat janë respektuar, është më e vogël se ajo që tekniku dentar lexon në modelin me shkumës, që do të shërbejë si suport i dyllit për modelimin.
Në një komunikim për shtyp laboratori më i madh dentar në SHBA, Glidewell Laboratories (numëron 2900 punonjës dhe shërben 42.000 dentistë në botë) ka deklaruar se në 2015 nuk janë ndjekur më fuzionet me dyllë të shkrirë: i gjithë prodhimi u krijua nga një software CAD/CAM. Modelet e punuar me dorë të prodhuara nga gjurmët intraorale ishin 32% gjatë vitit që kaloi dhe tendenca në rritje vijon me ritme të shpejta.

Deri më sot aplikimet e dixhitalit në stomatologji janë 6:
1) Proteza fikse në dhëmbë natyralë dhe implante
2) Proteza parciale e lëvizshme dhe e skeletuar. Ajo totale krijohet akoma nga një gjurmë tradicionale me reliev në qendër dhe dimension vertikal, por me kryerjen e skanimit të modeleve mund të dizenjohet në CAD dhe të stampohet me stampa 3D.
3) Realizimi i modeleve për kirurgjinë e drejtuar. Lindin duke ndërthurur të dhënat e radiologjisë 3D me modelet e harkatave dentare.
4) Proteza maksilo-faciale për trajtimin e frakturave ose të neoplazive.
5) Realizimi i briketave stomatologjike, aparateve funksionalë dhe pajisjeve intraorale për terapinë e apneave gjatë natës.
6) Kirurgjia robotike e drejtuar është një teknologji shumë e përdorur për kirurgjinë protetike dhe për histerektominë. Lindur dhjetëra vjet më parë në Chicago (sistemi kirurgjikal Da Vinci) po gjen zbatim në implantologji.

Nën kujdesin e: David Cusotto, stomatologjia e profesionistëve të lirë Twitter @DavisCussotto.

Përktheu: Erjola Taga