Shtyhet afati i regjistrimit në provimin e certifikimit

Me një njoftim në faqen e saj zyrtare, Qendra Kombëtare e Edukimit në Vazhdim ka njoftuar së fundi shtyrjen e afatit të regjistrimit për provimin e certifikimit të mjekëve, dentistëve dhe farmacistëve që nuk morën numrin e nevojshëm të krediteve në programin e parë të edukimit në vazhdim.

Kështu 20 marsi është data përfundimtare për t'u regjistruar në këtë provim shumë të rëndësishëm për ecurinë e profesionit të secilit prej 1077 mjekëve, dentistëve dhe farmacistëve që duhet ta japin atë.

Vetëm dje Doktor33 kontaktoi me drejtoreshën e QKEV-së, znj. Entela Shehu, e cila shprehu shqetësimin për numrin e ulët të të regjistruarve për provim. Me shtyrjen e datës së regjistrimit, sigurisht që shtyhet edhe data e dhënies së provimit i cili më parë ishte raportuar se do të zhvillohej nga mesi i muajit mars. 

Për të votuar duhet të vendosni kredencialet tuaja në Medikey

Interesant ( 115 votim / mesatar 3 )