Sekretaria e klinikës dentare moderne është rritur dhe quhet D.P.M. Ajo ideale me 10 lëvizje

Pak gjëra në botë peshojnë më shumë se fjalët. Mendojmë për shembull për rrënjën e fjalës sekretari, etimologjia e së cilës vjen nga latinishtja "secretum", vendos mënjanë, mbaj të fshehur, fjalë që të çon menjëherë në një epokë të largët, në zonjushat e telefonave të bardhë, në një botë me pabarazi sa absolute aq dhe të turpshme midis meshkujve dhe femrave, midis roleve drejtuese dhe udhëheqëse dhe detyrave të pastra ekzekutuese.
Pra fjala sekretari nuk ka më kuptim, si edhe pjesa tjetër e funksionit ku praktikisht është zhdukur nga organikat e bizneseve. Edhe në botën dentare funksioni dhe si rrjedhojë termi, po shkojnë drejt zhdukjes. Në një klinikë të zhvilluar, e përkufizuar komplekse, e vendosur në një morsetë edhe më të shtrënguar normativash dhe detyrimesh, sekretarja e mirë, e vjetër dhe e dashur, në vendin tonë i ka lënë pozicionin një figure të re dhe në vendet me kulturë anglosaksone një figure të afirmuar mirë. Emri i saj i koduar është D.P.M, akronim që qëndron për Dental Practice Manager.
Duke pasur parasysh se askush më shumë se ne nuk e urren përdorimin e pamatur të terminologjive në modë dhe të anglicizmave të marra nga filmat që shfaqen në kinema në periudhën e Krishtlindjeve, të përdorësh D.P.M është e pashmangshme pasi shpreh një sërë domethëniesh vërtetë të turpshme. Provojmë ti listojmë në formën e një dekalogu: 10 zëra që shpjegojnë detyrat, rolin dhe përgjegjësitë.

Planifikimi
Të planifikosh do të thotë të projektosh të parashikueshmen dhe të parandalosh të paparashikueshmen. Nga cikli i verifikimeve dhe kontrolleve të pajisjeve deri te pushimet e kolegëve, nga takimet rutinë në ato emergjente; nga skadencat burokratike në ato administrative, D.P.M parashikon, organizon, menaxhon, zgjidh.

Kontrolli
"Pa kontroll nuk ka fuqi", këtë citonte një spot i arrirë publicitar. Nga boja e printerit deri te procedurat e dezinfektimit, prezenca e zgjuar e D.P.M bën të mundur që të papriturat të reduktohen deri sa të eliminohen dhe mjeku dentist të mund të përqendrohet te pacienti dhe te terapia.

Marrëdhënia
Pacientët janë (si përkufizim) persona të mrekullueshëm: pa ata nuk ka jetë në klinikë. Por si të gjithë njerëzit edhe pacientët nuk janë pa limite dhe defekte. Të dish të krijosh një marrëdhënie të mirë, pra të dish t'i kuptosh dhe të zgjidhësh problemet e tyre, është abc-ja e besnikërisë.

Zgjidhja e problemeve
Zgjidhja e problemeve është art apo shkencë? Me shumë mundësi të dyja dhe të dyja mund (përkundrazi: duhet) të forcohen me projekte trajnimi ad hoc.

Negocimi
Nëse doktori është i përqendruar, siç edhe duhet të jetë, në profesionin e tij të terapeutit, kush negocion tarifën telefonike më të volitshme, kush negocion me furnitorin për materialet e konsumit, kush negocion kushtet me bankën? Një D.P.M i/e mirë, natyrisht.

Komunikimi
Të komunikosh në mënyrën e duhur dhe me efikasitet me pacientin do të thotë edhe të dish të përdorësh në mënyrë adekuate instrumentet moderne dixhitale. Një email (i qartë, gjithëpërfshirës, menjëherë i kuptueshëm) të kursen shumë kohë dhe debate.

Menaxhimi
Folja menaxhoj ka domethënie pothuajse të pafundme. Ja disa shembuj: a është adekuat dhe i rregulluar stoku i këmishave? Instrumentet janë të plota dhe të sterilizuara si duhet? Sallat janë të pastra si pasqyrë? Oraret e reja të klinikës janë futur në faqen ueb?

Motivimi
Klinikat e zhvilluara dentare janë një realitet kompleks dhe ... delikat. Të mbash të lartë motivimin dhe konkurrencën e të gjithë pjesëtarëve të skuadrës është e domosdoshme me qëllim që cilësia realizuese të jetë gjithmonë ajo e duhura.

Administrimi
Edhe zgjidhja e praktikave administrative si për shembull sigurimet dhe marrëveshjet me institucionet shtetërore, është jetësore për shëndetin e mirë të një klinike dentare. Për të mos folur për menaxhimin korrekt të çështjeve të pazgjidhura.

Kontrolli i menaxhimit
Po, edhe ky zë bën pjesë në detyrat dhe në përgjegjësitë e të aftit D.P.M. Të ndihmosh titullarin e klinikës që të njohë dhe të masë kostot reale, të identifikojë zonat jo eficiente apo me shpenzime, lejon eliminimin e kostove të fshehura dhe përmirësimin e produktivitetit. Për të punuar më mirë dhe me kënaqësi më të lartë, profesionale dhe ekonomike.

Nën kujdesin e: Cristina Bez, Giovanni Miticocchio dhe Giuseppe Ravera - ScuolaEIDE -www.scuolaeide.net

Përktheu: Erjola Taga