Furçat elektrike. Shoqata Atroconsumo i ka krahasuar: ja se cilat janë më të mirat sipas testit

Shoqata e konsumatorëve Altroconsumo, në numrin e dhjetorit 2015 të revistës së saj që i dedikohet testeve, ka krahasuar 12 furça elektrike të pranishme në treg.
Testi është kryer duke marrë në konsideratë shumë faktorë midis të cilëve edhe lehtësinë e përdorimit dhe cilësinë e marrë në higjenën orale, përveç kostove të blerjes dhe të menaxhimit (duke përfshirë konsumin e energjisë ose të baterive).

Mbi efikasitetin e këtij mjeti në higjienën orale në kushtet e shtëpisë duket se nuk ka dyshime. Sipas vlerësimit të kryer nga një dentist që ka bashkëpunuar me testin, modelet e marra në konsideratë kanë një mesatare prej 70% të heqjes së pllakës bakteriale. 12 modelet i janë besuar 20 personave me moshë nga 18 deri në 60 vjeç për të vlerësuar lehtësinë në përdorim.

Këshilla e parë që shoqata i jep konsumatorëve është ajo që të mos paguajnë për funksione të padobishme, si për shembull bluetooth - i që "nuk e heq më mirë se të tjerët pllakën bakteriale".
Midis funksioneve të dobishme, të shënuara në test, me siguri kohëmatësi që paralajmëron se kur janë mbushur 2 minutat e nevojshme për të kryer një pastrim efikas, më mirë akoma nëse lajmërohen në intervale me 30 sekonda në mënyrë që të pastrohet pjesa tjetër pas 30 sekondash. Është gjykuar pozitive mundësia që të përdoren unaza me ngjyrë sipas kokave të furçës në mënyrë që të përdoret i njëjti aparat nga shumë persona. Të mirë janë edhe ato që ofrojnë një sensor që paralajmëron kur ushtrohet presion mbi dhëmbët dhe gingivat.

Për zgjedhjen e furçës elektrike, Altroconsumo nuk këshillon blerjen e furçave që nuk janë në kuti të mbyllura, por të paktën të shihet mirë që të merret ajo që i përshtatet më mirë madhësisë së duarve tuaja. Duhet t'i kushtohet vëmendje edhe zhurmës që bën koka e furçës gjatë fërkimit të dhëmbëve: mund të rezultojë bezdisëse gjatë përdorimit.

Janë më mirë furçat që karikohen apo ato me bateri?
Për Altroconsumo, ato që karikohen kanë avantazh se janë më të menaxhueshme po kanë një kosto më të lartë. Ato me bateri janë më të rënda, më të vështira për tu vendosur në një pozicion sepse nuk kanë bazën e atyre që karikohen, ndërsa avantazhi i tyre është se kanë kosto më të ulët dhe janë të lehta për t'u transportuar.

Përktheu: Valbona Spahia