Provimi i Shtetit për dentistët, AKP nxjerr datat e reja

Provimi i Shtetit për profesionistët e rinj të shëndetësisë ishte shtyrë dy herë brenda dy muajve të fundit me urdhër të Ministrisë së Shëndetësisë dhe asaj të Arsimit, por sot Agjencia Kombëtare e Provimeve ka publikuar datat përfundimtare për kryerjen e tij. Kështu kandidatët e degës Stomatologji do ta japin provimin e Shtetit në dy data të ndryshme: 11 dhe 12 shkurt (klikoni këtu për të parë oraret).

Rregullat që duhet të kenë parasysh pjesëmarrësit në provim janë si më poshtë:
1. Të paraqiten 30 minuta para fillimit të provimit
2. Të kenë me vete kartë identiteti ose pasaportë
3. Të kenë me vete faturën e pagesës së tarifës për Provimin e Shtetit për llogari të AKP-së sipas herës së pjesëmarrjes në provim
4. Në rast ndryshimi të mbiemrit, kandidati duhet të paraqesë certifikatën që vërteton këtë ndryshim.

Agjencia Kombëtare e Provimeve ka vënë në dispozicion në faqen e saj online edhe programin orientues dhe fondin e pyetjeve për provimin./D.GJ.

Për të votuar duhet të vendosni kredencialet tuaja në Medikey

Interesant ( 96 votim / mesatar 3 )