Komunikimi dixhital për të favorizuar përhapjen e fjalës. Çfarë dhe si duhet të investojmë

Teknologjia informatike ka ndryshuar në mënyrë rrënjësore qarkullimin e informacioneve: dhe dentisti nuk mund të injorojë vlerën e kanaleve të reja.

Ashtu si për shërbimet e tjera, në kërkimin e një profesionisti i besohet sidomos fjalëve: komenti i dikujt që tashmë e ka qenë në atë klinikë, vlen më shumë se reklamimi! Por sot opinionet nuk përcillen më vetëm nga kontakti personal: ueb -i është kthyer në një mjet të fuqishëm promocioni.
Numrat nuk gënjejnë: një kërkim i realizuar nga GFK-Eurisko, i promovuar nga Universiteti "La Sapienza" në Romë, zbulon që në grupmoshën 25 deri në 55 vjeç plot një e treta e personave kërkon informacione për shëndetin në ueb. Burimi kryesor i informacionit janë website - t, blog - ët dhe forumet.

Si të pajisemi?
Një hap i rëndësishëm është të krijosh një website, që është në gjendje të komunikojë në mënyrë të thjeshtë dhe të qartë. Por nuk mjafton: duhet të gjendet me lehtësi. Për këtë qëllim duhet të optimizohet mirë për SEO -n (Search Engine Optimization). Nuk është një mjet komunikimi statik: duhet përditësuar në mënyrë periodike.
Një zgjedhje e vlefshme është formati blog: që paraqet një bazë të vlefshme për "tu gjetur dhe për tu zgjedhur" nga pacientët që kërkojnë informacione në ueb. Të ofrosh informacione në mënyrë të menjëhershme dhe të jepen përgjigjet në kohë të reduktuara është filozofia e marketingut të brendshëm. Është fitues në krahasim me formulat tradicionale që kërkojnë investime të mëdha dhe i imponohen klientit të mundshëm.

Të përdorësh kanalet dixhitale pasuron eksperiencën: madje edhe përpara se të vendoset kontakti i pacienti ka mundësi të njohë dhe të vlerësojë dentistin. Kështu bëhet më e thjeshtë të aktivizohet një klimë besimi.

Nën kujdesin e: Erika Leonardi, Davis Cussotto

Përktheu: Valbona Spahia